Joshua 17:1 - Angami Naga CL (Re-edited) Bible (BSI)

¹ Manasseh sü Josef nuo nuorieu zo, süla puo yiemiako ya rhuo pie uko tsü. Siro Makir-e Manasseh nuo nuorieu mu Gilid-nuo puou, puoe terhü themia puo zocü la Jordan niathutsa keba Gilid mu Bashan pie puo tsü.

Joshua 17:1 Iomraidhean Croise

Keriekitho 41:51

Sitse Josef-e puo nuo nuorieu za pie Manasseh chülie; puo sie, “Ukepenuopfüe a bu a mezhieko mu a puo kinuko rükra moketa chükeshü la.”

Keriekitho 41:52

Siro puo nuo kenieu pie Efraim chülie, “Ukepenuopfüe a kemezhiekecü kijü hau nunu a chü pekruoshüketa la.”

Keriekitho 46:20

Siro Ijipt kijü nunu penuoshü Josef ketsünie liro Manasseh mu Efraim, On nu zievo-u Potifera nuopfü Asenat geinu penuoshü puo tsü.

Keriekitho 48:17

Siro Josef-e puo puoe puo dzie puo zatsa pie Efraim tsü gei shüketa ngu tse, süu puo nei mota; sidi puoe Efraim tsü geinu puo puo dzie teshüpie Manasseh tsü gei shüwa.

Keriekitho 48:18

Sidi Josef puo puo ki, “Ci molie, a puo, hauha nuorieu, süla n dzie n zatsa pie puo tsü gei shücie.”

Keriekitho 50:23

Siro Josef-e Efraim nuonuo phou se ketso nguwa; Manasseh nuou Makir nuonuo rei penuopie Josef phi ki shülie.

Samuel Kenieu 2:9

Puoe puo chüpie Gilid, Ashurmiako, Jezril, Efraim, Benjamin mu Israel pete mho kedi chülie.

Seyiedze Kerieu 2:23

Derei Geshur mu Aram unie-e sünunu Havot-jair mu Kenat siro süko rünako, rüna hiesorou lielieta. Hako pete Gilid-nuo puou Makir nuosenuoyieko vie phre.

Ezekiel 47:13

Niepuu Jihovae puya: Hako pie puotierie chütuo, sünu nie Israel seyie kerekenieko kayie la kijüu kezalietuo. Josef bu za kenie ngulietuo.

Ezekiel 48:4

Naftali tierie nunu niathutsa nu vo niakratsa ketso pie Manasseh tsüshü, za puote.

Nuolhoutsüphrü 26:29

Manasseh nuoko: Makir geinu Makirmiako, mu Makir nuou za Gilid; Gilid geinu Gilidmiako

Nuolhoutsüphrü 27:1

Süsie Zelofehad nuo thenuko vor: Zelofehad-e Hefer nuou, süue Manasseh nuou, süue Josef nuou, puoe Manasseh yiemia puo, puo nuo thenuko za hako: Mahla, Noah, Hogla, Milka mu Tirza.

Nuolhoutsüphrü 32:33

Süsie Mosae Amormia kediu Sihon, siro Bashan kediu Og rüvieko, kijü mu nadiko, tsiu sükhieümhou rüna pete khapie Gad yiemiako, Reuben yiemiako mu Josef nuou Manasseh yiemia tietsa tsüwa.

Pulakeshüzho 21:17

Derei puoe puo nei kemopfü nuou pie nuorieu chü zotuo, sidi puo vie pete za kenie pie puo tsütuo, puoe puo phou kekuo ki zasi nuorieu zokecü la; nuorieu ya sü puo vie zo.

Joshua 17:2

Sidi Jordan niakratsa pie Manasseh nuomia kekreiko, puotsanuo le di uko ya chüshü, Abiezermia, Halekmia, Asrielmia, Shekemia, Hefermia mu Shemidamia hako pete la; süko u puotsanuo lekecü, thepfumia kitsa Josef nuou Manasseh yiemia phre.

Joshua 22:7

Siro Manasseh yie tietsapuo la Mosae Bashan khashü uko bu uko vie chü, derei Joshuae kekreitsa la Jordan niakratsa uko siezedzürieko donu uko ya khashü. Tsiu Joshuae uko ketsepie uko kinu keshü ki japie uko tsü

Capiko 5:14

Efraim nunu ukoe razhau nu tsu, n siemedzi di, Benjamin, n yieko sa di; Makir nunu terhü krütako tha tsu, mu Zebulun nunu kezhamia the kepieko tha tsu.