Joshua 16:10 - Angami Naga CL (Re-edited) Bible (BSI)

¹⁰ Derei ukoe Gezer nu keba Kananmiako whuo petawa mo, süla Kananmiako thie ketso rei Efraim ze lhou tuota, derei uko bu miadie chü di mia bu uko kemvü chü ze mhachü tuota.

Joshua 16:10 Iomraidhean Croise

Kediko Kerieu 9:15

Siro kediu Solomon-e khezhanuo khruokecü puoca hako la: Jihova kiu chüketuo la, puo thuo puo kiu la, Milo, Jerusalem dahou, Hazor, Megido mu Gezer la.

Kediko Kerieu 9:16

(Kekreilamonyü Faro Ijipt nu kediu kho di Gezer lielieta di mi pie süu thewa, sidi nadi nu keba Kananmiako dukhriwa, di süko methuo pie puo nuopfü Solomon kimia tsüwata).

Kediko Kerieu 9:21

kijü nu uko sietsa khapie bawaketa uko nuosenuoyieko, Israel nuonuokoe peka tseilie kenjüketako, süko gei Solomon-e lietho kechü khezhanuo khruo, thie ketso rei situo zo.

Seyiedze Kenieu 8:8

kijüko geinu peshapie keba nuosenuoyieko geinu Israelmiakoe pekawa mokebako Solomon-e uko bu mhatho kereko chü, mu thie ketso rei situo zo.

Joshua 10:33

Siro Gezer kediu Horam rei Lakish khruohituoü khor, derei Joshua puo tsiu puo themiako geiwa mu miapuorei lhieshü mo.

Joshua 15:63

Derei Judamiakoe Jerusalem nu keba Jebusko whuo petalie kenjüta, süla Jebuskoe thie ketso rei Jerusalem nu Juda themiako ze lhou baya zo.

Joshua 16:9

siro Manasseh kijü rie hanu rünako mu natse huo kha kreipie kebako pie Efraimmia tsüwa.

Joshua 17:12

Sizorei Manasseh themiakoe rüna süko nu keba themiako whuolie kenjüta; süla Kananmiako bu kijü sünu lhou sei tuota.

Joshua 17:13

Derei Israelkoe kuo sierlie tse, Kananmiako whuo tsei zowa mo di uko kemvü chü di uko bu mhachüta.

Capiko 1:29

Efraim yieko rei Gezer nu keba Kananko whuowa mo; sidi Kananmia Gezer nu uko donu lhou tuota.