Joshua 14:12 - Angami Naga CL (Re-edited) Bible (BSI)

¹² Süla Jihovae pukeshü tuoi, tsie kijüthou rünau a tsüwaliecie; sünhie no rei Anakimmia dahou vi sekecü nadiko nu baya ücü sishüte. Jihova a ze tuolie üro, Jihova pukeshü tuoi, a uko whuo phrewatuo.”

Joshua 14:12 Iomraidhean Croise

Kediko Kenieu 19:4

Jihova n Kepenuopfü, Rabshakeu, Asiria kediu, puo niepuue ketseshü di rhei tuoyakezha Ukepenuopfü pesekecü dieko rünyülie di batatuo, sidi Jihova n Kepenuopfüe sikelie dieko kerhie lashütuo; süla lhiepie kebako la kecha chüshücie,” sita.

Seyiedze Kenieu 14:11

Siro Asae Jihova puo Kepenuopfü ki melie di sie, “He-i Jihova, miapuorei n mhie di kekuou mu kethachüu donu rei khruohikeshü jülie, he-i Jihova hie Kepenuopfü hieko khruohishücie, hieko n pele keba la, mu hieko n za nunu krodi hau ze keperhie kevor zo, he-i Jihova, noe hieko Kepenuopfü, themia puo bu rei n ki kuolie hiecümu,” sishü.

Chieliko 44:3

Uko thuo uko zhiecha üse kijüu pevielie mo, morei uko boue uko kelashü mo zo; derei n dzie n zatsa mu n boue, tsiu n zie kezie thuo zo, no uko khrieketa la zo.

Chieliko 60:12

Ukepenuopfü ze di hie thepfu se di mhachütuo; puoe hie ngumvüko kedewatuo.

Nuolhoutsüphrü 13:28

Derei kijü sünu lhou kebako we kuo mu uko nadiko kuda chüpie houpfü ba mu zha rei sese, sümho rei Anak nuosenuoyieko rei sünu keba hie nguwe.

Nuolhoutsüphrü 13:33

Siro hie sünu Nefilim (Anakmiakoe Nefilim geinu lhou vor), rei ngu; tsiu uko khieki u thuo u ngupie ku kemhie mu we rei uko mhiki si batuo.”

Nuolhoutsüphrü 21:34

Derei Jihovae Mosa ki, “Puo prei hiecie; ae puo mu puo themiako tsiu puo kijü pete khapie n dzie nu shüwaketa la. Noe Heshbon nu keba Amormia kediu Sihon gei chükeshü mhie puo gei rei chüshütuo.”

Rommiako 8:31

Siro we mha hako dze kedipuo pu ta? Ukepenuopfüe u kitsa liro supuonie u ngumvülie vi ta?

Pulakeshüzho 1:28

We kirapuo khotuoüzhü ga? U siezedzürieko bu u kede di sie, ‘Themiako u ki zha mu chakuo, nadiko zha mu dahou housie tei thu; mu sizomonyü hie sünu Anakim nuonuo ngu di hie melou bie kethachüwa.’ ”

Pulakeshüzho 9:1

Rünyüliecie, he-i Israel, no thie Jordan cietuoüzhie, le di seyie n ki zhakuo mu kuokuokecü, nadi kezhako tsiu dahou hou sekho tei tsokebako lielietuo üdi,

Pulakeshüzho 9:3

Süla thie siliecie, nie mha the kepejü mi puo tuoi, nie mhodzünu vozhükecüu sü, Jihova n Kepenuopfü zo, puo n mhodzü nunu uko pekawa mu uko penyüwatuo, sidi Jihovae n ki phrakeshü tuoi, noe uko whuowa di uko bie pejü mhawatuo.

Filipiko 4:13

A chü pekuoshüyakezhau la a mhakehoupuorei chülie vi.

Ibriko 11:33

süko kepele geinu kedirüvieko penyülie, kethoca chülie, phrakeshüko rei ngulie, loshako tie rei pha khalie,

Joshua 15:14

Mu Kaleb-e sünunu Anak nuonuo seko: Sheshai, Ahiman mu Talmai hako pete whuowa, hakoe Anak yiemiako.

Capiko 1:20

Mosae pukeshü tuoi, Hebron pie Kaleb tsüwa, mu puoe sünunu Anak nuo thepfu seko whuowa.

Samuel Kerieu 14:6

Sitse Jonathan-e puo rünyie kepie khriesau ki, “Khe avu u zhürekemo themia hako ki votuo, Jihovae avu khruoshü reilie vimu; mia kelaketuo la we themia tsa rei kra rei Jihova la mhapuorei kekrei mo.”