Joshua 13:6 - Angami Naga CL (Re-edited) Bible (BSI)

⁶ Lebanon kijüthouko nunu Misrefot-main ketso, kijüthou rüna Sidonmia peteko. A thuo Israelko mhodzü nunu themia hako pete whuowatuo; siro a n ki diekhakeshü tuoi, no kijüu kezapie Israel seyieko phruoshüwa ro si zo.

Joshua 13:6 Iomraidhean Croise

Chieliko 80:8

No Ijipt nunu khube puo se vorshü; no seyieko whuowa di süu leishü.

Nuolhoutsüphrü 33:54

Tsiu nie dape di upuonuo za parkelieu pie süu tsüshü idi kijü rhuo kezalietuo; themia kekramia kayie pie tsü pekra mu themia ketsamia kayie pie tsü petsalietuo. Kehourapuorei puo za parkeliemia süu puo vietatuo, niekoe puotsanuopuotsanuo idi kijü rhuo kezatuo.

Joshua 1:6

Meteilie mu thepfulie, kekreilamonyü noe themia hako krüta chü di ae khapie tsütuo üdi uko puonuoko ki phrakeshü kijüu welietuocü la.

Joshua 11:12

Siro Joshuae nadiko pete siro süko kediko pete lielie, di dukhri phrewa, mu süko pekaperuowa, Jihova kituou Mosae diekhakeshü tuoi.

Joshua 11:8

Ru Jihovae Israel bu uko mho kuokelie khashü, sidi Israelkoe uko whuo, gei izo pesotsa Misrefot-maim tsiu Sidon Kezhau ketso vo, mu niathutsatie Mizpa razhau ketso zo vo. Ukoe ngumvüko miapuorei perheishü mo zo di pete geiwa kemochie terhü chü.

Joshua 13:7

Süla tsie kijü hau kezapie seyie thepfüko mu Manasseh seyie tietsako phruowalie.”

Joshua 23:13

si touliecie, Jihova nie Kepenuopfüe nie mhodzünu seyie hako whuo sashü motatuo, sikecüumonyü se nie ketsü kijü kevi hau nunu nie kaüjüta kemochie, sükoe nie la ciephrie mu kebie tsiu nie kevü seiro, mu nie mhi la zohu chü tuotatuo.

Joshua 23:4

Mha hako rükraliecie, seyie keshako pie nie kayie vie chütuo üdi a thuo kezapie nie tsüwate, siro ae penyükelie seyieko sa di niathutsa Jordan nunu niakratsa Dzükezhatho-u ketso khashüwate.

Joshua 23:5

Siro Jihova nie Kepenuopfü thuo nie mhodzünu uko khuwatuo, sidi nie mhinguki nu uko whuowatuo; mu Jihova nie Kepenuopfü nie ki phrakeshü tuoi nie uko kijüu pevielietuo.