Joshua 13:33 - Angami Naga CL (Re-edited) Bible (BSI)

³³ Derei Mosae kijü puorei pie Levi yieko ya chüshü mo. Puo uko ki pukeshü tuoi Jihova Israelko Kepenuopfü sü uko kayie zo.

Joshua 13:33 Iomraidhean Croise

Ezekiel 44:28

Sidi haue uko kayieu chülietuo: Ae uko kayieu zo; mu nieko Israel nu mha kevie se ketuoko puorei pie uko tsülie lho. Ae uko rüvieu zo.

Nuolhoutsüphrü 18:20

Süsie Jihovae Aron ki, n bu uko kijü nu n rüvie puorei chülie lho, morei uko donu n ya puorei jü; Israelmiako donu ae n ya mu n rüvie zo.

Pulakeshüzho 10:9

Süla Levi-e puo siezedzürieko ze puo ya morei puo phruo jü, Jihova sü puo phruo zo, Jihova n Kepenuopfüe puo ki pukeshü tuoi).

Joshua 13:14

Levi seyieko rübei Mosae uko kayie pie tsü kemo zo; ukoe Jihova Israel Kepenuopfü ki kethe ruosuo khakeshü ruosuoba geinu uko ya ngulielietuo, puoe uko ki kepu tuoi.

Joshua 13:32

Mosae Moab razhau nu bacü ki hakemhie di, Jeriko niathutsa, mu Jordan kijü keza phrewa.

Joshua 18:7

Derei Levimiako we nieko donu kijü pie uko ya chülie lho, Jihova la zievo chükecü sü uko kayie zocü la; tsiu Gad mu Reuben yieko siro Manasseh seyie ketoupuo Jordan niathutsa uko kayie nguliete, Jihova kituou Mosae pie uko tsüshüwate.”