Joshua 13:31 - Angami Naga CL (Re-edited) Bible (BSI)

³¹ Siro Gilid ketou puo, siro Ashtarot mu Edrei, Bashan nu Og kedirüvie nadiko; hako pie uko puotsanuo le di Manasseh nuo Makir tsü, Makirmiako ketoupuo la.

Joshua 13:31 Iomraidhean Croise

Seyiedze Kerieu 6:71

Manasseh yiemia ketoupuo geinu pie Gershommiako ketsüko: Bashan nu Golan mu puo kirituoko tsiu Ashtarot mu puo kirituoko sa;

Chieliko 60:7

Gilid a vie mu Manasseh a vie; Efraim rei a tsüreu, Juda sü a kedi theu.

Ezekiel 48:4

Naftali tierie nunu niathutsa nu vo niakratsa ketso pie Manasseh tsüshü, za puote.

Joshua 12:4

siro ukoe Bashan Kediu Og rei penyüwa, puoe Refaimmia lhiekelieko puo, puoe Ashtarot mu Edrei nu kedi chü baya,

Joshua 13:12

sünu Refaimko donu lhiekelie Bashan nu kediu Og, puo Ashtarot nu di, siro puo Edrei nu dikecü rüvie pete rei sa; Mosae themia hako penyüwa mu uko whuowa.

Joshua 13:32

Mosae Moab razhau nu bacü ki hakemhie di, Jeriko niathutsa, mu Jordan kijü keza phrewa.

Joshua 17:5

Sidi Jordan niathutsa keba Gilid mu Bashan kijü sa kemo Manasseh yatsa za ker ngulieta,

Joshua 17:6

kekreilamonyü Manasseh nuo thenuko rei u prünuoko ze kayie we kesaketa la. Gilid kijüu zowe khapie Manassehmia thinuo kekreitsatieko tsüwa.

Joshua 9:10

tsiu puoe Jordan niathutsa keba Amor kedinie, Heshbon Kediu Sihon mu Bashan Kediu Og, Ashtarot nu kebau gei chükeshü pete siwate.

Capiko 10:6

Tsiu Israelkoe Jihova mhinguki kerüzhü chü lata. Ukoe Baalko tsiu Ashtarot, siro Siriamia, Sidonmia, Moabmia, Ammonmia mu Filistinmia rhuoko lie chü tuota. Hamhie di ukoe Jihova khawa di puo lie chü mota.

Capiko 5:17

Gilid-e Jordan khie kekreitsa bata; mu Dan, no kiüdi rouko ze bata ga? Asher-e dzükezha khie bata, sünu rülei chü nu bata.

Samuel Kerieu 12:10

Süki ukoe Jihova ki meheimelo di sie, ‘Hieko phoumawate, hieko Jihova khawa di vo Baalko mu Ashtarotko lie chü tuote. Derei tsie ngumvümia dzie nunu hieko kelashücie, sitse hieko n lie chütatuowe.’

Samuel Kerieu 7:3

Sitse Samuel-e Israelmia pete ki pu di, “Mhanuü niekoe nieko melou pete se rürei Jihova kitsa vozhü üro nieko donu terhuo kekrei mu Astartko khawalie. Sidi nie melou kereipie Jihova kitsashülie, sidi puo lie rübei chülie, silie ro puoe Filistinmia dzie nunu nieko kelashü zotuo.”