Joshua 13:3 - Angami Naga CL (Re-edited) Bible (BSI)

³ (Ijiptmia rie nu keba Shihor rücüu nunu kho pesotsa Ekron rie ketso pie Kanan üsiya. Siro Filistinko kedi pengouko ro: Gaza, Ashdod, Ashkelon, Gath mu Ekron nadi hako nu lhouya), siro pekhrotsa keva Avim rüvie pete;

Joshua 13:3 Iomraidhean Croise

Keriekitho 10:6

Ham nuoko: Kush, Ijipt, Put mu Kanan.

Keriekitho 15:18

Sünhie Jihovae Abram ze dietseidiekho puo chülie, di puo ki, “A Ijipt rüu nunu vo kerü kezhau Eufrat rüu ketso,

Kediko Kerieu 8:65

Süla Solomon-e süteiki Israel pete Lebo-hamat nunu vo Ijipt Guodzüu ketso themia krodi puo ze di thenyi puo Ukepenuopfü Jihova mhodzünu zhathenie balie.

Seyiedze Kerieu 13:5

Süla David-e Israel pete Ijipt mu Shihor nunu vo Lebo-hamat ketso themia pfhü kengulie, Kiriat-jearim nunu Kepenuopfü dietseidiekhobouu se vorketuo la.

Isaya 23:3

mu dzü kuo phicü nu tuowate; n khezhanuo sü Shihor nu lha, Nail nu lieyieu; noe seyieko lhitho-u zo.

Jeremia 2:18

Siüro Ijipt nu kele kedipuo mevilie ga? Nail dzü krieketuo la me? Morei Asiria nu tsu kedipuo mevilie ga? Eufrat dzü krieketuo la üme?

Pulakeshüzho 2:23

Siro Gaza ketso natse nu lhouketuo Avimiako uko we Kaftor nunu kevor Kaftorko uko pekawa di uko chü nu lhou bata).

Joshua 13:13

Sirei Israelkoe Geshurko morei Makatko whuowa mo, sidi süko thie ketso rei Israelko donu lhou baya zo.

Capiko 16:5

Sitse Filistinmia pehükoe süpfü ki vor di sie puo ki, “No puo selie di puo bu puo kekuo kezha, siro puo phalie di puo penyülieketuo do se n ki pushü di hieko bu silie ro, hieko mia puo raka krie kerepuokrükrü pie n tsütuo.”

Capiko 3:3

Süko Filistinmia kedi pengouko, Kananko pete, mu Sidonko, tsiu Lebanon Kijüthou gei Hivko pete, Baal-hermon Kijüthou nunu vo Lebo-hamat ketso.

Samuel Kerieu 5:1

Filistinkoe Ukepenuopfü dietseidiekhobouu tekelie sie, Ebenezer nunu se Ashdod nu vorta.

Samuel Kerieu 5:10

Süla ukoe Kepenuopfü dietseidiekhobouu pie Ekron nu tsuwa. Derei Kepenuopfü dietseidiekhobouu pie Ekron nu tsulie tse, Ekron themiakoe sie, “Ukoe Israel Kepenuopfü dietseidiekhobouu pie vor u donu shü di u mu u themia dukhriwatuo üzhie,” sita.

Samuel Kerieu 5:8

Süla uko Filistin krütako kelie ze vorlie di sie uko ki, “Israel Kepenuopfü dietseidiekhobouu pie kedipuo chü ro vituo ga?” Sitse Gad nu kelhoukoe, “Kepenuopfü dietseidiekhobouu pie hie pelewalie,” ita. Süla ukoe Israel Kepenuopfü dietseidiekhobouu pie tsu Gad nu shüwa.

Samuel Kerieu 6:4

Sitse ukoe sie, “Kejo ruosuo kimhiecü puo se puo tsütuo ga?” Ru ukoe sie “Filistin niepuko mia kitsuo shikecü rhi nu suna pie kechü tichü miarhi pengou mu suna pie kechü thezu miarhi pengou khashütuo; thepetheruo puo nie gei mu nie niepuko gei tuotakecü la.