Joshua 13:13 - Angami Naga CL (Re-edited) Bible (BSI)

¹³ Sirei Israelkoe Geshurko morei Makatko whuowa mo, sidi süko thie ketso rei Israelko donu lhou baya zo.

Joshua 13:13 Iomraidhean Croise

Keriekitho 35:22

Siro Israel kijü sünu lhou keba ki, Reuben vo di puo puo pelipfü Bilha ze zhüwa; mu Israel süu sishü. Siro Jakob nuonuo thepfu kerekenie

Samuel Kenieu 10:6

Siro Ammonmiakoe uko David thepesuokewa ngulie tse, Ammonmiako mia ketsepie Bet-rehob nu Arammia, siro Zoba nu Arammia zha khrülie, phituo chüpahimia nyie mepfü, süsie Maka kediu themia nyie puo rei sa, tsiu Tob themia nyie kerekenie.

Samuel Kenieu 3:3

kenieu Kilib, Karmelpfü Nabal kimia Abigail nuou; seu Geshurmia kediu Talmai nuopfü Maka nuou Absalom,

Nuolhoutsüphrü 33:55

Derei nie nie mhodzü nunu themia lhou kebako whuowa moliro, nie uko khapie kebako bu nie mhi nu kerhu lekecü tsiu nie socü nu zohu tuoi batuo, sidi nieko rüna chü keba kijü sünu uko bu nie keyhutuo.

Pulakeshüzho 3:14

Manasseh nuou Jair-e Argob kijü pete, süusü Bashan Geshurko mu Makatko rie ketso lielie di rünako za pie puo za kie di Havot-jair tholie, tsie ketso rei süu kieya).

Joshua 12:5

tsiu puo kedirüvie-e Hermon Kijüthou, mu Seleka siro Bashan pete zo vo Geshurmia tsiu Makatmia therie nu ketso mu Gilid ketou puo, siro Heshbon Kediu Sihon kedirüvie rie ketso mho kedi chü.

Joshua 13:11

Siro Gilid, mu Geshurko tsiu Makatmia kijü pete, Hermon Kijüthou pete, siro Bashan pete nu vo Saleka ketso,

Joshua 13:12

sünu Refaimko donu lhiekelie Bashan nu kediu Og, puo Ashtarot nu di, siro puo Edrei nu dikecü rüvie pete rei sa; Mosae themia hako penyüwa mu uko whuowa.

Joshua 13:14

Levi seyieko rübei Mosae uko kayie pie tsü kemo zo; ukoe Jihova Israel Kepenuopfü ki kethe ruosuo khakeshü ruosuoba geinu uko ya ngulielietuo, puoe uko ki kepu tuoi.

Samuel Kerieu 27:8

Siro David mu puo themiako kho di Geshurmia, Girzitmia mu Amalekmia re; kekreilamonyü Shur nunu Ijipt kijü nu kevo thiedzü kelhoumiakoe kijü sünu lhoukecü la.