Joshua 12:5 - Angami Naga CL (Re-edited) Bible (BSI)

⁵ tsiu puo kedirüvie-e Hermon Kijüthou, mu Seleka siro Bashan pete zo vo Geshurmia tsiu Makatmia therie nu ketso mu Gilid ketou puo, siro Heshbon Kediu Sihon kedirüvie rie ketso mho kedi chü.

Joshua 12:5 Iomraidhean Croise

Samuel Kenieu 13:37

Derei Absalom we tata, sidi ta Geshur kediu Amihud nuou Talmai ki vota. Siro David-e teisonhie puo nuou krükra bata.

Samuel Kenieu 15:8

Kekreilamonyü n kituou Aram Geshur nu keba ki rüseshüwate. Mhanuü Jihova a ze Jerusalem nu vor toushü ro, a Hebron nunu Jihova rüsuotuo.”

Samuel Kenieu 23:34

Makamia Ahasbai nuou Elifelet; Gilonmia Ahithofel nuou Eliam;

Samuel Kenieu 3:3

kenieu Kilib, Karmelpfü Nabal kimia Abigail nuou; seu Geshurmia kediu Talmai nuopfü Maka nuou Absalom,

Kediko Kenieu 25:23

Sidi chüpahi mhokezhako pete, uko mu uko themiakoe, Babilon kediue Gedalia bu kezha chüketa silie tse, Nethania nuou Ishmael, mu Karia nuou Johanan, mu Seraia Tanhumet nuou Netofatmia, mu Jazania Makhat nuou, uko mu uko themiako, Mizpa nu Gedalia ki vor.

Seyiedze Kerieu 5:11

Gad nuokoe uko khietsa Bashan kijü nu vo Saleka ketsoko nu lhou.

Jeremia 40:8

ukoe Mizpa nu Gedalia ki vor, sükoe Nethania nuou Ishmael, mu Karia nuo Johanan, siro Tanhumet nuou Seraia, mu Efai Netofat nuonie, mu Makat nuou Jezania, tsiu uko chüpahiko sa.

Pulakeshüzho 3:14

Manasseh nuou Jair-e Argob kijü pete, süusü Bashan Geshurko mu Makatko rie ketso lielie di rünako za pie puo za kie di Havot-jair tholie, tsie ketso rei süu kieya).

Joshua 11:3

mu dieliemia ketsepie Jordan khie lutsahatsa keba Kananko, mu kijüthou gei keba rüna Amorko, Hitko, Perizko, Jebusko mu Mizpa kijü nu Hermon kijüthou phi ki keba Hivko rei tsüshü.

Joshua 12:1

Israelkoe Jordan niathutsa kijü pete penyüwa di lielieta, sidi ukoe Arnon Rüu nunu vo Jordan ketso mu Hermon Kijüthou pesotsa ketso pevielieta. Ukoe kedi kenie penyülie:

Joshua 13:11

Siro Gilid, mu Geshurko tsiu Makatmia kijü pete, Hermon Kijüthou pete, siro Bashan pete nu vo Saleka ketso,

Samuel Kerieu 27:8

Siro David mu puo themiako kho di Geshurmia, Girzitmia mu Amalekmia re; kekreilamonyü Shur nunu Ijipt kijü nu kevo thiedzü kelhoumiakoe kijü sünu lhoukecü la.