Joshua 12:1 - Angami Naga CL (Re-edited) Bible (BSI)

¹ Israelkoe Jordan niathutsa kijü pete penyüwa di lielieta, sidi ukoe Arnon Rüu nunu vo Jordan ketso mu Hermon Kijüthou pesotsa ketso pevielieta. Ukoe kedi kenie penyülie:

Joshua 12:1 Iomraidhean Croise

Kediko Kerieu 4:19

Uri nuo Geber, Gilid kijü nu, Sihon Amormia kediu rüna nu mu Og, Bashan nu kediu, siro Juda kijü nu kezhamia puo rübei zo.

Chieliko 133:3

Hermon thezei, Zion kijüthouko gei ketsur tuoi, sünunu Jihovae theja diekhashü, süu kechachie kerhei zo.

Chieliko 136:21

mu uko kijü pie mia phruowa, puo kekhrie rüdirüli kemoe kechachie baya;

Chieliko 89:12

Pesotsa tsiu pekhrotsa rei, noe chüshü; Tabor mu Hermon u nei di n za tsheya.

Isaya 16:2

Moab nuopfüko sü Arnon dzü ciekepfüko nu pera shüphra keba tuoi zo, pera nuonuo kezakezi ketuo mhie zotuo.

Nuolhoutsüphrü 21:13

Uko sünunu tuo la Amormia therie nu kezhü Arnon khie lutsa nu uko razhü chü bata, kekreilamonyü Arnon-e Moab mu Amorko donu keba Moab rieukecü la.

Nuolhoutsüphrü 21:21

Süsie Israelko dieliemia ketsepie Ammonmia kediu Sihon ki shü di sie,

Nuolhoutsüphrü 21:24

Sitse Israel-e zhiecha pie puo biewa, di puo kijü Arnon nunu vo Ammonmia rie nu Jabok ketso lielieta; kekreilamonyü Ammonmia rieu ya kemetei phi pie keba la.

Nuolhoutsüphrü 32:19

Siro Jordan niathu hatsatie nu kijü hie ya ngulieketa la, hie Jordan rü lutsakhie we uko ze kijü pevielie lho,” sita.

Nuolhoutsüphrü 32:32

Hie rei hie rünyie se di Jihova mhodzünu, Kanan kijü nu votuo derei kijü hie ya we Jordan hatsakhie zotuo.”

Nuolhoutsüphrü 32:33

Süsie Mosae Amormia kediu Sihon, siro Bashan kediu Og rüvieko, kijü mu nadiko, tsiu sükhieümhou rüna pete khapie Gad yiemiako, Reuben yiemiako mu Josef nuou Manasseh yiemia tietsa tsüwa.

Pulakeshüzho 2:24

Sielie di tuoshülie, di Arnon Rüu cie pralie, harie, ae Amormia Heshbon kediu Sihon mu puo kijü khapie n dzie nu shüwate, süu lie zolie. Siro terhü chü di puo ze kesulie.

Pulakeshüzho 2:32

Sitse Sihon uko ze Jahaz nu terhü chütuo üdi puo themia pete ze par.

Pulakeshüzho 3:1

Süsie hie rüreise Bashan cha nu kho, mu Bashan kediu Og, Edrei nu u ze terhü chütuo üdi puo themia pete ze par.

Pulakeshüzho 4:44

Hauha Mosae Israelmia mhodzünu khakeshü thezho-u:

Pulakeshüzho 4:46

Mosa mu Israel nuonuokoe Ijipt nunu kepar ki puoe penyükewau Heshbon nu keba Amorko kediu Sihon kijü, Jordan tsekepra Bet-peor rütsietsa razhau nu.

Pulakeshüzho 4:48

Arnon Rüu khie Aroer nunu Sirion Kijüthou (süu Hermon) ketso,

Joshua 1:15

nie-e Jihova nie Kepenuopfüe khapie uko ketsüu pevielie kemochie tuo zo votuo. Sidi puoe khrukhrekecü tei khapie Israel seyieko tsüshüta ro, süze nie-e Jihova kituou, Mosae kha nie ketsü Jordan niathutsa nie kijü haki la vor lhoulietuo.”

Joshua 11:17

Sidi Halak Kijüthou, rükrie se Seirtsa sieketa kinu Lebanon razha nu Balgad ketso, Hermon Kijüthou khro nu puoe uko kediko te phrelie di uko dukhriwa.

Joshua 11:3

mu dieliemia ketsepie Jordan khie lutsahatsa keba Kananko, mu kijüthou gei keba rüna Amorko, Hitko, Perizko, Jebusko mu Mizpa kijü nu Hermon kijüthou phi ki keba Hivko rei tsüshü.

Joshua 13:8

Manasseh seyie tietsapuo, siro Reuben mu Gad yiemiako, Jihova kituou Mosae kezapie uko phruokeshü tuoi uko kayie la Jordan niathutsa kijü ngulie:

Joshua 22:4

Siro puo die phrakeshü mhie, Jihova nie Kepenuopfü kerülei pie nie siezedzürieko tsüshüte, süla tsie Jihova kituou Mosae se nie ketsü kijü, Jordan niathutsa, nie ra, nie ki nu la volie.

Capiko 11:18

Sidi ukoe rayha nu rühou se Edom kijü mu Moab kijü whi vo süu niathutsa tsolie, di Arnon khie kekreitsa nu razhüchü chülie. Derei uko Moab rüvie nu le mo, Arnon pie Moab rie chücü la.