Joshua 11:23 - Angami Naga CL (Re-edited) Bible (BSI)

²³ Jihovae Mosa ki pukeshü tuoi di Joshuae kijüu pete lielie; sidi Joshuae Israel bu puo kayie chünu di kezapie seyie puopuo ya chüshü. Sidi kijüu terhü kechü nu rüleilie.

Joshua 11:23 Iomraidhean Croise

Nehemia 9:24

Süla u nuosenuoyiekoe vo kijüu welie, siro noe uko mhodzünu kijüu nu kelhouko, Kananmia penyüshü, sidi uko bu u medo chülietuoü, uko kediko, mu kijü nu themiako khapie uko dzie nu shü.

Chieliko 46:9

Puo kijü vala ketso rei terhü kechüko khawa; puo theüu cietshewa, mu rüngouu bietshe kreiwa; puo mi nunu kierbageiko thewa.

Toukepra 34:11

A thie n ki diekhakeshüu zeliecie. Harie, a n mhodzünu Amorko, Kananko, Hitko, Perizko, Hivko mu Jebusko whuowatuo.

Ezekiel 45:8

kijü tierie ketsotuo. Süu bu Israel nu puo vie meseutuo. Siro a kedinuoko a themiako pese salie lho; derei ukoe Israel kinuko bu u seyieu medzi di kijüu ngulietuo.

Pulakeshüzho 1:38

Nun nuou Joshua n mhodzü thayakezhau bu letuo; puo nou chü kethepfushülie, puoe Israelko bu süu welieketuo la.

Pulakeshüzho 25:19

Süla Jihova n Kepenuopfü n bu n vie chünu di n ketsü kijüu we n houpfü keba n ngumvümiako kinu kerülei khapie n tsüshü ro, no tei khro Amalek kerükra pete vapejüwalie; no süu chü rükra mota lho.

Joshua 11:18

Joshuae kijü süki kediko ze terhü chü cha phi.

Joshua 12:7

Siro Joshua mu Israelkoe Jordan niakratsa kediko tsiu uko rüvie pete penyülie, Lebanon razha nu keba Balgad nunu vo Edom pekhrotsa kepenuoki keba Halak Kijüthou ketso, (mu Joshuae kijü hako kezapie Israel seyieko phruoshü, uko bu se uvie chüse tuolieketuo la,

Joshua 18:10

tsiu Joshuae Shilo nu Jihova mhodzüki nu uko la dape chü, sidi kijüu kezapie Israel seyie uya ngulie mo baluocüko tsü phreshü.

Joshua 22:4

Siro puo die phrakeshü mhie, Jihova nie Kepenuopfü kerülei pie nie siezedzürieko tsüshüte, süla tsie Jihova kituou Mosae se nie ketsü kijü, Jordan niathutsa, nie ra, nie ki nu la volie.

Joshua 23:1

Puotei kecha vota mu Jihovae uko houpfü keba ngumvümia peteko kinu kerülei pie Israel tsüshüta, siro Joshua tsata, tsiu phichüta.