Joshua 11:20 - Angami Naga CL (Re-edited) Bible (BSI)

²⁰ Jihovae uko nou chü perepie uko bu sie Israel ze kegeiketuo chüshü, sidi uko pekaperuo tseiwa, tsiu ngumezhie moto zo di pete dukhri tseiwaketuo la. Hauha Jihovae Mosa bu chünu di diekhakeshüu zo.

Joshua 11:20 Iomraidhean Croise

Samuel Kenieu 17:14

Sitse Absalom mu Israelmia pete sie, “Arkit-u Hushai tarhokeshüu Ahithofel tarhokeshü ki vikuote.” Jihovae Ahithofel mharhüu penyüwatuo ücü la, süusü Jihovae kepeka pie Absalom gei vorshüketuo la zo.

Kediko Kerieu 12:15

Sidi kediue themiako die rünyü mvüta; mha süusü Jihova kinu kevor Ahija Shilo-u Jeroboam Nebat nuou ki kepuu chü tseilieketuo la.

Seyiedze Kenieu 22:7

Derei Jihovae kesese kebau Ahazia bu tetsutaketuou sü puo bu Joram mehotuoü vokezhü ki nu tuoü ba. Puo Jehoram ze di Nimshi nuou Jehu, Jihovae puo bu Ahab kinuko pekashütuo üdi kedase kebau ze kesetuoü par.

Seyiedze Kenieu 25:16

Derei puo die pu ketha nu kediu sü puo üse, “Hieko n bu kediu tarhokecüu chüte me? Khawalie! Kiüdi n dukhri ta?” Süla siedzekesiu rei khawa, derei sie, “Jihovae n pekawatuo ücü le tou baketa a site, no hikecü chü mu a kepu rünyü moketa la,” sishü.

Toukepra 10:1

Sitse Jihovae Mosa ki, “Faro ki volie; ae a zasi hako pie uko pekieshütuo üdi, puo mu puo kituoko nou chü perewatakecü la.

Toukepra 11:10

Mosa mu Aron unie ungomhatho hako pete chüpie Faro mhodzünu shü; mu Jihovae Faro nou chü perewa, di puoe puo kijü nunu Israelko bu tuopra mvüta.

Toukepra 14:17

Siro a Ijiptmiako nou bie perewatuo, sitse ukoe uko siewhuo zo votuo mu a Faro, puo krodiko, puo kierbageiko mu puo kierkeseko mho zayie ngulietuo.

Toukepra 14:4

Mu a Faro nou chü pereshütuo, sidi puoe uko whuo votuo mu a Faro tsiu puo krodi pete mho zayie chütuo; mu Ijiptmiako bu a Jihova zo ücü silietuo.” Mu ukoe sükemhie chülie.

Toukepra 14:8

Mu Jihovae Ijipt nu kediu Faro nou chü perewa di puo Israelmiako mha rünyü mo di tuokezhüko whuo vo.

Toukepra 4:21

Sitse Jihovae Mosa ki, “No Ijipt nu la vo ro, ae n bu chülie kevi kekuo pie n tsüwaketa ungomhathoko Faro mhodzünu chüshücie; derei a puo nou chü perewatuo, sitse puoe themiako bu tuolie lho.

Toukepra 9:12

Derei Jihovae Faro nou chü perewa, sidi puoe unie pfhe rünyü mvüta; Jihovae Mosa ki pukeshü mhiei.

Toukepra 9:16

Derei hau la a n perheipie ba, a kekuo pie n pesishütuoü, kijü pete nu a za pu pesishüketuo la.

Isaya 14:24

Krodiko Jihovae rüsekeshü: A rhilieketa mhiei, süu bu sütuoi zotuo; mu a rhülieketa mhiei, süu bu si vor zotuo:

Isaya 34:2

Jihovae seyie pete gei puo nei mote, mu u rüpfhünuoko gei puo nou meyie phite; puoe uko pejowate, uko khapie dukhrikewa nu shüwate.

Rommiako 9:18

Sidi puoe puo medomia ngumezhieya mu puo thuo puo medomia nou chü perewaya.

Pulakeshüzho 2:30

Derei Heshbon kediu Sihon-e uko bu puo kijü pfüthe vo mvüta; Jihova n Kepenuopfüe thie ha tuoi, puo pie n dzie nu shüwakecü le di puo nou chü perewa mu puo melou chü pekhrükewa la.

Pulakeshüzho 7:16

Jihova n Kepenuopfü khapie n dzie nu keshü themia pete pekawatuo, uko ngumezhie lho, morei uko rhuoko rüsuolie lho, süu n la ciephrie puo chütatuokecü la.

Capiko 14:4

Puo puo mu puo zuo unie-e süu Jihova kinu ücü si mo; puoe Filistinko gei philie kevi cha pfhü bacü la. Sükisü Filistinkoe Israel mho di ba.

Samuel Kerieu 2:25

Mhanuü mia puoe kekreiu gei jowa rei kekreimia puoe kephoumau la Ukepenuopfü ki chalie vi, derei miapuonie Jihova gei phouma ro supuonie puo zhapu ta?” Sizorei puo nuonie-e unie puo die rünyü mota. Jihovae unie dukhriwaketuo puo medoketa la.