Joshua 11:16 - Angami Naga CL (Re-edited) Bible (BSI)

¹⁶ Sidi Joshuae kijü süu pete, kijüthou rünako mu kerünuo nu keba pesopekhro pete, Goshen kijü pete, mu pekhrotsa kijü keso rünako, siro Jordan razhau icü lie phrelie.

Joshua 11:16 Iomraidhean Croise

Chieliko 105:44

Puoe seyieko kijüko khapie uko tsü, mu uko bu seyieko mhatho pevielie.

Chieliko 78:55

Puoe uko mhodzü nunu seyieko whuowa; sidi kijüko kezapie uko tsü di uko bu pevielie, mu Israel seyieko bu uko pfhekiko nu lhou.

Ezekiel 17:23

Israel kijüthou kerükrie geinu a süu seshütuo, süu bu puoco the parlie, di puosi rüchülie, di sedarbo kevi puo chülieketuo la. Siro puo khronu pera neiünei lhoutuo; tsiu puo coko khrü nu puoshü chükepfü ra pete vor rüsetuo.

Ezekiel 36:8

Derei no we, he-i, Israel kijüthouko, n coko pou parlietuo, mu n si vüpie a themia Israelko tsütuo; ukoe kinu vor pezitaketuo la.

Pulakeshüzho 1:7

Sielie di tuo Amorko kijüthou rüna nu mu Araba nu uko zanuo pete, kijüthou rüna shierei, kijü razha nu shierei, mu Negeb nu tsiu dzükezha khie keba Kananko kijü nu mu Lebanon, kerü kezhau Eufrat rü ketso volie.

Joshua 10:40

Sidi Joshuae rünako pete penyüwa. Puoe kijüthou rünako mu Negeb, siro kijü kerünuoko tsiu kijütseiko tsiu uko kediko pete penyüwa. Puoe miapuorei lhieshü mo, derei mia pete dukhriwa. Jihova Israel Kepenuopfüe diekhakeshü tuoi.

Joshua 10:41

Joshuae Kadesh-barnia pekhrotsa nu Gaza ketso, mu Goshen kijü pete üse pesotsatie kho Gibeon ketso penyüwa.

Joshua 11:15

Jihovae puo kituou Mosa ki diekhakeshü tuoi, Mosa rei Joshua ki diekhashü, mu Joshuae süu dieze chü tseilie. Jihovae Mosa ki diekhakeshüko puoe puorei chü moketa jü zo.

Joshua 11:2

mu kedi pesotsa kijüthou rünako nu kebako, Kinerot khrotsa Araba nu kebako, kijü kerünuo nu kebako, tsiu niakratsa Nafot-dor nu niakratsa kebako,

Joshua 11:21

Süki Joshuae vor di kijüthou rüna, Hebron, Debir, Anab, Juda mu Israel kijüthou rüna pete nu Anakimko pete biewa; Joshuae uko rünako sa di uko pete pekaperuowa.

Joshua 12:8

süusü kijüthou rünako, kijüthou phiko, Araba nu kijütseiko mu rayha nu, tsiu Negeb nu pete sa, Hitko, Amorko, Kananko, Perizko, Hivko mu Jebusko kijüko zo):

Joshua 9:1

Jordan khie kekreitsa kijüthouu gei rei, razhau nu rei mu Dzükezhau khie pete Lebanon ketso bakecü kediko, Hitko, Amorko, Kananko, Perizko, Hivko mu Jebuskoe Israelmia kuokelie dze sishü tse,