Joshua 11:15 - Angami Naga CL (Re-edited) Bible (BSI)

¹⁵ Jihovae puo kituou Mosa ki diekhakeshü tuoi, Mosa rei Joshua ki diekhashü, mu Joshuae süu dieze chü tseilie. Jihovae Mosa ki diekhakeshüko puoe puorei chü moketa jü zo.

Joshua 11:15 Iomraidhean Croise

Seyiedze Kenieu 30:12

Kepenuopfü dzie-e Juda gei rei ba di uko bu nou puo chü kediu mu puo khro kezhakoe Jihova die pukeshü ki ze chülie.

Nuolhoutsüphrü 33:50

Siro Jordan rü khie Moab razha Jeriko nunu Jihovae Mosa ki:

Nuolhoutsüphrü 33:52

nie mhodzü nunu rünako nu themia lhou keba pete whuowatuo, mu nie ketsie miarhiko pete tsiu uko terhuorhiko pete pekawatuo; mu uko rüsuochü thechü kerükrieko pete bierhuowatuo.

Mathi 23:23

“Siro ketherakezha Farisiko mu thezhokepethako we ce, chülietie! kekreilamonyü nieko nietso, niepfhü, duniya ker zau khashüya, derei süko ki thezho-u nu zhakuokecü kethoca mu ngukemezhie tsiu kepele hako khawate. Nieko mha hako rei chü zhü zo mu kekreiko khawa zhü mo.

LUK THUKESHÜ DIELIEKEVI 11:42

“Derei Farisiko, nieko we ce, chülietie! Nie ganyagara neiüko, nietso mu niepfhü kemhieko rei ker zau khashüya, derei nie Ukepenuopfü la kethoca mu kekhrie we therhietaya, kekreiko rei khawa mo di nie hako rei chü zhü zo.

Mhakechüko 20:20

A a kethe mo zo di nieko la viketuoko se nie ki pu, mechühou nunu rei mu kiüko nunu rei nieko petha mota mo,

Mhakechüko 20:27

kekreilamonyü a nieko ki kelakelie do-u pete pushü khrie di a ketheta mo zo.

Pulakeshüzho 12:32

Chünu di a n ki diekhakeshü pete no menuo di chülietuo; no süu pe rei lho, süu nunu se reita lho.

Pulakeshüzho 31:3

Jihova n Kepenuopfü thuo n mhodzü hau ciepfütuo, puoe n mhodzü seyie hako pekawatuo, sidi noe uko vie lielietuo. Siro Jihova pukeshü tuoi, Joshuae n mhodzü pratuo.

Pulakeshüzho 31:5

Jihova uko khapie nieko tsüshütuo, mu niekoe a diekhakeshü tuoi, uko gei diekhakeshüko pete chüshütuo.

Pulakeshüzho 31:7

Siro Mosae Joshua kielie di Israelmia pete mhinguki nu puo ki pu di sie: “Meteilie mu thepfulie, kekreilamonyü noe themia hako ze Jihova uko puonuoko ki rüse di pie uko tsütuo ükeshü kijüu nu uko ze letuo; mu noe uko bu süu lielietuo.

Pulakeshüzho 4:2

Nie dieca puo rei pie a nie ki diekhakeshüko pe sa lho, morei sünunu chüseta lho, Jihova nie Kepenuopfü diekhakeshüko, a diekhashü nie ketsüko zelieketuo la.

Pulakeshüzho 4:5

Harie, Jihova a Kepenuopfü a ki diekhakeshü tuoi, ae chünukecüko mu pethokeshüko pie nieko pethashüte, süusü nie bu vo pevielietuoükezhü kijüu nu chüüzelieketuo la.

Pulakeshüzho 7:2

uko pie n tsüshü di no uko penyüwa ro, no uko peka tseiwatuo. No uko ze dietseidiekho puorei chü lho, mu yopuorei uko ngumezhieshü lho.

Joshua 1:7

Meteilie mu thepfulie, a kituou Mosae thezho kha n ketsü pete dieze chülieketuo le tou zolie. Süu nunu rürei thezatsa morei thevitsa vata hie, n kevo cha pete nu vikehielieketuo la.

Joshua 11:12

Siro Joshuae nadiko pete siro süko kediko pete lielie, di dukhri phrewa, mu süko pekaperuowa, Jihova kituou Mosae diekhakeshü tuoi.

Joshua 11:14

Siro nadi hako nunu piekelie terhü mhavako mu kicükiriko Israelkoe liepie uko vie chülie. Derei zhiecha pie themiako pete geiwa, mu mia yopuorei perheishü mo.

Joshua 11:16

Sidi Joshuae kijü süu pete, kijüthou rünako mu kerünuo nu keba pesopekhro pete, Goshen kijü pete, mu pekhrotsa kijü keso rünako, siro Jordan razhau icü lie phrelie.

Samuel Kerieu 15:11

“A Saul pie kedi chükeshü la a rünou mote, puoe a siekemedzi nunu tsiesiete, di a diekhakeshü ze mote.” Sitse Samuel-e süu la puo nei mota, sidi puoe teizeizha pete Jihova ki kra ba tso.