Joshua 11:14 - Angami Naga CL (Re-edited) Bible (BSI)

¹⁴ Siro nadi hako nunu piekelie terhü mhavako mu kicükiriko Israelkoe liepie uko vie chülie. Derei zhiecha pie themiako pete geiwa, mu mia yopuorei perheishü mo.

Joshua 11:14 Iomraidhean Croise

Seyiedze Kenieu 20:25

Jehoshafat mu puo themiako uko nyako bielietuo üdi vo tse, kiriko kekra, mhanya, pfhemenei, mhama kereko ngu philie, uko süko pfü salie kenjüta kemochie u thuo chülielieta. Mha krathorkecü la uko zha se vakelieko keta bata.

Nuolhoutsüphrü 31:9

Sidi Israelmiakoe Midianmiapfüko mu uko nuonuoko tepie uko die chülie mu uko kiri pete, thukro pete mu uko vienya pete ketalie.

Pulakeshüzho 20:14

Derei thenuko, kecünuoko, kiriko tsiu nadiu nu keba mha pete, mu terhü mhava pete no liepie n vie chülietuo, sidi n ngumvümia vie vakelieko, Jihova n Kepenuopfü se n ketsüko n thuo n la setuo.

Pulakeshüzho 20:16

Derei Jihova n Kepenuopfü n bu n kayie chütuo üdi se n ketsü seyie süko nadiko nu we no u keha kenyi puorei perheishülie lho:

Joshua 10:40

Sidi Joshuae rünako pete penyüwa. Puoe kijüthou rünako mu Negeb, siro kijü kerünuoko tsiu kijütseiko tsiu uko kediko pete penyüwa. Puoe miapuorei lhieshü mo, derei mia pete dukhriwa. Jihova Israel Kepenuopfüe diekhakeshü tuoi.

Joshua 11:11

Ukoe zhiecha pie sünu keba themia pete biewa, miapuorei perheishü mo, mu mi pie Hazor thewa.

Joshua 11:13

Sizorei Israelko kijü sethougei keba nadiko we puorei thewa mo, Joshuae thekewa Hazor rübei zo kemosie.

Joshua 11:15

Jihovae puo kituou Mosa ki diekhakeshü tuoi, Mosa rei Joshua ki diekhashü, mu Joshuae süu dieze chü tseilie. Jihovae Mosa ki diekhakeshüko puoe puorei chü moketa jü zo.

Joshua 8:2

Noe Jeriko mu puo kediu gei chükeshü tuoi Ai tsiu puo kediu gei rei chüshütuo; derei tsieu va we terhü mhavako mu puo kicükiriko se n vie chülie vi. Pekhre vo di nadiu sietsa nu peprielieketuo dojülie.”

Joshua 8:27

Jihovae Joshua ki pukeshü tuoi, Israelkoe nadiu nu kicükiriko mu mhavako rübei liepie uvie chülie.