Joshua 10:6 - Angami Naga CL (Re-edited) Bible (BSI)

⁶ Sitse Gibeonkoe dielie ketsepie Gilgal razhüchüu nu Joshua ki shü di, “N kituoko khawa hiecie, mhai khor di hie khruohicie, di hie kelaliecie! Kijüthou rüna nu keba Amormia kediko pete kezelie di hie perhie thate.”

Joshua 10:6 Iomraidhean Croise

Kediko Kenieu 4:24

Sitse puoe gadau gei balie di puo kituou ki, “Gadau whuo zo volie; a n ki pu zo kemosie a la üdi rüleita hie.”

Chieliko 125:2

Kijüthouko Jerusalem houpfü keba tuoi, Jihova rei Puo themiako houpfü ba, tsie yawinu vo kechachie ketso.

Isaya 33:22

Jihovae u capiu, Jihovae u kekhayakezhaucü la, Jihovae u kediu, puoe u kelalietuo.

Nuolhoutsüphrü 13:29

Negeb kijütsa Amalekmia lhou ba; mu kijüthou rünako nu Hitmia, Jebusmia mu Ammonmia lhou ba; siro dzükezha khie mu Jordan rü merhieko nu Kananmia lhou ba.”

LUK THUKESHÜ DIELIEKEVI 1:39

Süki Maria kenourhei sie tuo kijüthou gei keba Judia kijü rüna puo nu vota,

Pulakeshüzho 1:15

Süla ae nieko seyie krütako, mhakesimia, mhachümezhieketamia zelie, di uko pie nie seyie pete donu nie mhokezha chüshü, nyiemhokezha, kriemhokezha, hiepengoumhokezha mu kermhokezhako chüshü.

Joshua 10:5

Sitse Amormia kedi pengouko, Jerusalem, Hebron, Jarmut, Lakish mu Eglon kediko icü uko rüpfhünuo kezulie di kho Gibeon houlie, di puo ze keperhie.

Joshua 10:7

Süla Joshuae terhü themia pete mu puo terhümiavi kevithoko sa di Gilgal nunu tuoshü.

Joshua 21:11

Uko Juda kijü nu keba Kiriat-arba (Arbae Anak-nuo puou) süu Hebron khapie uko tsü mu puo khie kirituoko rei sa.

Joshua 5:10

Israelkoe Jeriko razhau khieki nu Gilgal nunu razhü chü keba ki, zha keredia nhie thevatie ciekevonyiu nyilie.

Joshua 9:15

Sidi Joshua uko ze vitho chüwa tsiu uko perheishüketuo dietseidiekho chüwa, mu Israel mechükehou krütako rei dietseidiekho-u pebatuoü uko die phrashüwa.

Joshua 9:6

Sidi ukoe Gilgal razhüchüu nu Joshua ki vor, di puo ki tsiu Israelmiako ki pucü, “Hieko rüna kepecie nunu vor, mu n bu hieko ze dietseidiekho puo chüshünu chayalie.”

Joshua 9:8

Ukoe Joshua ki, “Hieko sü n kituomia zo,” ishü. Joshuae uko ki, “Nie suomia ga? Siro kirapuo nu vor ga?”