Joshua 10:19 - Angami Naga CL (Re-edited) Bible (BSI)

¹⁹ Derei nieko zowe bata hie di nie ngumvümia whuo zo volie, sidi uko sietsanu uko relie. Uko bu uko rünako nu le hie! Jihova nie Kepenuopfüe kuokelie kha nie dzie nu shüwate ho,” sishü.

Joshua 10:19 Iomraidhean Croise

Samuel Kenieu 17:13

Mhanuü puoe nadiu nunu tsiesieta tse, Israel pete-e kero se nadiu nu vorlietuo, sidi hieko süu teshüse kerü nu votatuo, ketsie kecünuo yopuo zokecü rei keba chie siwa zotuo.”

Samuel Kenieu 20:6

Süla David sie Abishai ki, “Bikri nuou Shebae Absalom ki rei mha peka krashülie vite; süla no n niepuu kituoko zelie di puo sie whuocie, moro puoe puo dahou houpie keba nadiko lielie di u kinu tata rei silie lhomu.”

Jeremia 48:10

Jihova lie kechü nu kemecüu bu rüsepfücie; siro thezie nunu puo zhiecha shükhrekewau bu rüsepfücie.

Jeremia 8:14

Kiüdi úko kemekrie bata ga? Vo kenguliecie, úko kuda houpie keba nadiko nu le khe, sidi kata khe; kekreilamonyü Ukepenuopfü Jihovae u bu katatuo üdi u khapie bawate, sidi therei dzü pie u bu krietuoü khashü, kekreilamonyü we Jihova gei jowatacü la.

Joshua 10:18

Sitse Joshua sie, “Ketsie kezhazha ketoupie tsiepfüu tie mekawalie, siro kepfhe themia khapie bawalie.

Joshua 10:20

Joshua mu Israelkoe uko dukhri thewa kemochie, siro mia huoyo rübei ta nadi dahou kenyiko nu lelie di lhiekelie zo,