Joshua 1:7 - Angami Naga CL (Re-edited) Bible (BSI)

⁷ Meteilie mu thepfulie, a kituou Mosae thezho kha n ketsü pete dieze chülieketuo le tou zolie. Süu nunu rürei thezatsa morei thevitsa vata hie, n kevo cha pete nu vikehielieketuo la.

Joshua 1:7 Iomraidhean Croise

Kediko Kerieu 2:2

“Ae kijüu zho tuoi tuotatuo üzhie. Süla meteilie, thepfulie.

Kediko Kerieu 2:3

Sidi Jihova n Kepenuopfü diekhakeshüko chüüzelie, puo zhoko nu tuo volie, puo pukeshüko, puo diekhakeshüko, mu puo capiko, mu puo zhapuko nu, Mosa zho nu thupie kezhü tuoi, chüüzelie, silie ro n mhatho peteko nu, mu n kevo peteko nu no vilietuo.

Kediko Kenieu 22:2

Tsiu puoe Jihova mhodzüki mha kemezhüu chü, mu puo puo David kevo cha pete nu tuo, sidi rürei thezatsa morei thevitsa vata mo.

Seyiedze Kerieu 22:13

Jihova Israel la Mosa ki khakeshü zhoko mu chünukeshüko ze menuo zolie ro no kruo sielietuo. Meteilie mu thepfulie, michie hie mu kechazieta hie.

Seyiedze Kenieu 15:7

Derei nieko we thepfulie; nie dzie bu thachüta hie, nie mhatho zhakhra ngulie zotuocü la.”

Seyiedze Kenieu 26:5

Puo Zekaria teiki Jihova pfhülie, süu puo pethapie puo bu Kepenuopfü preikelie la, mu puo Jihova pfhü ketuo chie Kepenuopfüe puo chü pekruoshü.

JOB LESHÜDAU 1:8

Sitse Jihovae sie Satan ki, “No a kituou Job dze leshüya nhie? Kijü nu themia puo mhiekecü puorei tuo mo zo, puo vitsei tsiu themia kemezhü puo, puoe Kepenuopfü khrüpreiya, mu mha kesuo rütseya.”

Chieliko 80:19

Hie chü pevi lashücie, harie Jihova, krodiko Kepenuopfü; n zie bu hie gei zieshücie, hie kelalieketuo la.

Mhasidie 4:27

Rürei n zatsa morei n vitsa vata hie; mha kesuo nunu n phi shükereiliecie.

Mhasidie 8:20

Ae kemiatho cha nu voya mu ketho capiko nu tuoya:

Daniel 10:19

Puo sie, “Michie hiecie, thekhriekepfütho-u, n neilie. Meteilie mu thepfulie!” Puo a ki mha pushü ru a kekuo ngulie di sie, “A niepuu die pushücie, no a chü pekuoshüketa la.”

Nuolhoutsüphrü 27:23

Sidi Jihovae Mosa ki pukeshü mhie, puo dzie yhapie puo tsü gei shülie di puo bu chüketuou pie puo peleshü.

Pulakeshüzho 11:8

Süla nie-e kuolie di vo pevielietuo ükezhü kijüu nu lelieketuo la a thie nie ki diekhakeshüko zeliecie,

Pulakeshüzho 12:32

Chünu di a n ki diekhakeshü pete no menuo di chülietuo; no süu pe rei lho, süu nunu se reita lho.

Pulakeshüzho 28:14

Mu a thie n ki diekhakeshüko dieca puo nunu rei rüreise thezatsa morei thevitsa va se terhuo kekreiko lie chütuoü uko sie vota molie ro.

Pulakeshüzho 29:8

Sidi we uko kijü lielie di khapie Reubenko, Gadko mu Manasseh yie ketou puo phruowa.

Pulakeshüzho 29:9

Süla diekhakeshü hau dieko menuo di chüüzelie, nie mhakechü pete nu chükhrielieketuo la.

Pulakeshüzho 31:7

Siro Mosae Joshua kielie di Israelmia pete mhinguki nu puo ki pu di sie: “Meteilie mu thepfulie, kekreilamonyü noe themia hako ze Jihova uko puonuoko ki rüse di pie uko tsütuo ükeshü kijüu nu uko ze letuo; mu noe uko bu süu lielietuo.

Pulakeshüzho 4:2

Nie dieca puo rei pie a nie ki diekhakeshüko pe sa lho, morei sünunu chüseta lho, Jihova nie Kepenuopfü diekhakeshüko, a diekhashü nie ketsüko zelieketuo la.

Pulakeshüzho 5:32

Süla Jihova nie Kepenuopfü nie ki diekhakeshü tuoi chülieketuo la menuolie; nie rürei thezatsa morei thevitsa prata lho.

Joshua 1:1

Jihova kituou Mosa se sie, Nun nuou Joshua, Mosa kekhruohiu ki Jihovae mha pushücü,

Joshua 1:8

Thezho leshüdau bu n tie tseta hie. Süu tezeiteiso phrü mu le medo ba zolie tsiu sünu thupie ketuo pete chüüze tsei zolie. Silie liro no vikehielietuo mu n mhatho chü khrielietuo.

Joshua 1:9

A n bu meteilie mu thepfulienu die khakeshü rükra zolie! Michie morei n ziejüta hie, kekreilamonyü Jihova n Kepenuopfü, no kehoura vo rei n ze tuo zotuokecü la.”

Joshua 11:15

Jihovae puo kituou Mosa ki diekhakeshü tuoi, Mosa rei Joshua ki diekhashü, mu Joshuae süu dieze chü tseilie. Jihovae Mosa ki diekhakeshüko puoe puorei chü moketa jü zo.

Joshua 23:6

Süla meteilie mu Mosa leshüda nu thezho thupie ketuo pete dieze chü menuolie, di rürei thevitsa morei thezatsa vata moliecie,