Joshua 1:5 - Angami Naga CL (Re-edited) Bible (BSI)

⁵ No rhei ketuo chie miapuorei n penyülie lho. Ae Mosa ze ketuo tuoi n ze tuotuo. A n vajowalie lho morei n khawalie lho zo.

Joshua 1:5 Iomraidhean Croise

Keriekitho 39:2

Jihovae Josef ze tuo, sidi puo lhou khriekeliemia puo chüta; mu puoe puo niepuu Ijipt-u kinu tuoya.

Kediko Kerieu 1:37

Jihovae kediu a niepuu ze ketuo tuoi, puo bu Solomon ze tuokelieu chüliecie, tsiu puo kediba chüpie kediu a niepuu David kediba ki rei zhakuoliecie,” sita.

Kediko Kerieu 11:38

Siro mhanuü noe a kha n ki keshüko pete rünyülie, tsiu a kituou David tuoi, a kepetha zhoko mu a diekhakeshüko ze di a mhi ki puotoukecüu chülie liro a n ze tuolietuo, tsiu ki ketho puo chüshü n tsütuo, a David la chükeshü tuoi, mu Israel khapie n tsütuo.

Kediko Kerieu 6:13

Ae Israelmia nuonuoko donu tuolietuo, tsiu a themia Israelko khawalie lho zo,” si.

Kediko Kerieu 8:57

Jihova úko Kepenuopfü bu u zetuokelieu chülie, puoe u puonuoko ze tuokecü tuoi, puo bu u kinu tuo rüdita hie, morei puo bu u khawa hie;

Seyiedze Kerieu 28:20

Süsie David nuo Solomon ki pu sakecü, “Meteilie mu thepfulie di chülie: Michie morei kechazieta hie, Jihova Kepenuopfü, a Kepenuopfüe n ze tuo zocü la. Puo n gei mhachüshü motalie lho mu n khawalie lho zo, no Jihova kiu la mhathoko chü tseilie kemochie.

Chieliko 46:11

Krodiko Jihova hie ze tuo; Jakob Kepenuopfü hie keyau. Selah

Toukepra 3:12

Puoe sie, “Derei a n ze tuotuo; mu a n ketseshü ücü hau bu n la zasi chütuo; noe Ijipt nunu themiako ze parlie ro, niekoe kijüthou hau geinu Kepenuopfü rüsuotuo.”

Isaya 42:16

A mhicieko cha tha ze uko si kemora votuo, uko siya kemo chako nu a uko rüguo ze votuo. A uko mhodzünu kezeiu pie kezie chüshütuo, thechü kerüdouko bie kemezhüwatuo. Mha hako a chüshütuo mu a uko khawa lho.

Jeremia 1:8

Uko prei hie, a n kelalieketuo la n ze tuo zocü la, Jihovae siya.”

Daniel 11:16

Derei puo whuo kevor-u puoneipuonyü chü zotuo, mu puo mese chülie lho. Puoe thechü keziviu nu thalietuo, mu süko pete puo kekuou nu lertuo.

Mathi 28:20

di uko bu a nieko ki pukeshüko pete chüüzelieketuo la uko pethashüliecie. Siro harie, a puotei thela ketso rei nieko ze sei tuo zotuowe!” sita.

Rommiako 8:31

Siro we mha hako dze kedipuo pu ta? Ukepenuopfüe u kitsa liro supuonie u ngumvülie vi ta?

Rommiako 8:37

Derei mha hako pete nu hie khrieyakezhau la hie kuokeliemia ki rei kuokuo.

Pulakeshüzho 20:1

No n ngumvümia ze terhü chütuoü pra di, kierko mu kierbageiko mu rüpfhünuo n rüpfhünuo ki krakuokecü puo ngu ro, uko preita hiecie, Jihova n Kepenuopfüe Ijipt kijü nunu n ze parkeshüu n ze tuo zokecü la.

Pulakeshüzho 20:4

Jihova nie Kepenuopfüe nie ze vo nie la nie ngumvüko ze kegei di nie bu kuoliekezhau chütuocü la.”

Pulakeshüzho 31:23

Siro Jihovae Nun nuou Joshua bu thepie pfülie di puo ki, “Meteilie mu thepfulie, noe Israelmiako ze a rüse di pie uko tsütuo ükezhü kijüu nu vorshütuo, a n ze tuo zotuo.”

Pulakeshüzho 4:31

Jihova n Kepenuopfü sü mia ngumezhieyakezha Kepenuopfü puo zokecü la; puoe n khawalie lho morei n pekawalie lho morei puoe rüse di n puonuoko ze dietseidiekhokeshüu rükra motalie lho.

Pulakeshüzho 7:24

Mu puoe uko kediko khapie n dzie nu shütuo, mu no tei khro nu uko za pejüwatuo; no uko pekawa kemochie miapuorei n mhodzü thalie kenjü.

Timothi Kenieu 4:17

Derei Niepuu thuo a ze tha di kekuo khapie a tsü, sidi a bu dieu pu tseipie Judakemoko pete bu rei rünyülie. Sidi losha me nunu rei a kelashü.

Ibriko 13:5

Shükeiraka mehouta hie, derei nie vie ketuokoyo se nie nei tuolie; kekreilamonyü puoe pukecü, “A mhakipuorei n khawa morei n vawalie lho,” si;

Joshua 1:17

Hieko Mosa die keze tuoi, n die ze zotuo, mu Jihova n Kepenuopfü Mosa ze ketuo tuoi puo bu n zetuokelieu chüliecie!

Joshua 1:9

A n bu meteilie mu thepfulienu die khakeshü rükra zolie! Michie morei n ziejüta hie, kekreilamonyü Jihova n Kepenuopfü, no kehoura vo rei n ze tuo zotuokecü la.”

Joshua 10:8

Tsiu Jihovae Joshua ki, “Uko preipie hie, a uko khapie n dzie nu shüwaketa la; uko miapuorei n mhodzünu thalie lho.”

Joshua 21:44

Siro Jihovae uko puonuoko ki rüsekeshü tuoi puoe kuokelie tsiu kerülei kha uko tsü, mu ngumvümia puorei uko mhodzü thalie mo,

Joshua 3:7

Jihovae Joshua ki, “A thie Israelmia pete mhingu nunu n chü pezha sedeshütatuo, sitse ukoe a Mosa ze ketuo tuoi n ze tuo zokecü silietuo.

Joshua 6:27

Siro Jihovae Joshua ze tuolie; mu rüna pete nu puo za pu kemeyie phi vota.

Capiko 2:18

Jihovae capimia pesieshü uko tsü ro, puoe capiu zetuo, mu capiu rhei ketuo chie uko ngumvümia dzie nunu uko kelalielie vor; mia uko pese mu kemvü chükecü la ukoe melokeba Jihovae sishü di puo nou mezhiekelie la.

Capiko 6:16

Sitse Jihovae puo ki, “A n ze tuo zotuo, mu noe Midianmia pete pie mia puo tuoi uko bie phrewatuo.”

Samuel Kerieu 10:7

Siro zasi hako n gei vorta liro, süki chü morokesuoko chüliecie, Ukepenuopfüe n ze tuoketa la.