Joshua 1:15 - Angami Naga CL (Re-edited) Bible (BSI)

¹⁵ nie-e Jihova nie Kepenuopfüe khapie uko ketsüu pevielie kemochie tuo zo votuo. Sidi puoe khrukhrekecü tei khapie Israel seyieko tsüshüta ro, süze nie-e Jihova kituou, Mosae kha nie ketsü Jordan niathutsa nie kijü haki la vor lhoulietuo.”

Joshua 1:15 Iomraidhean Croise

Korintmiako Kerieu 12:26

Sidi zatho puoe kemezhielie ro, zatho kekrei pete rei süu ze kemezhieya; zatho puoe therhupfü ro, zatho kekreiko pete rei süu ze u neilieya.

Korintmiako Kerieu 13:5

kethevie chüya mo. Puo thuo puo zhazhü pfhüya mo; puo nei mo mhaitaya mo, morei mia puo gei kesuo puo chüshü rei pie puo nou shüse tuoya mo;

Galatiako 5:13

A zenuoko, miadie chü motuo ücü la nie kieliete; derei u medo kechü hau se di chüüphou mengu nu vota hie, sikecüumonyü kekhrieu se di nie huoniehuo lie chüliecie.

Galatiako 6:2

Nieko kekhoyalie, di Khrista zho-u chü tseilie.

Pulakeshüzho 3:18

Siro süki a nieko ki diekhashü di sie: “Jihova nie Kepenuopfüe nie bu pie nie vie chütuo üdi kijü hau khapie nie tsüshü; nie donu terhü nu pralie keviko pete bu u rünyie selie di Israelmia nie siezedzürieko mhodzü tuoshülie.

Pulakeshüzho 3:20

Jihova kerülei khapie nie ketsü tuoi nie siezedzürieko rei tsüshü kemochie, mu uko rei Jordan khie kekreitsa, Jihovae khapie uko ketsü kijüu pevielie kemochie.”

Pulakeshüzho 9:1

Rünyüliecie, he-i Israel, no thie Jordan cietuoüzhie, le di seyie n ki zhakuo mu kuokuokecü, nadi kezhako tsiu dahou hou sekho tei tsokebako lielietuo üdi,

Filipiko 2:4

Siro nie kehoupuorei nie thuo nie keneiu rübei leta hie di kekreimia rüli rei rükralie.

Joshua 1:1

Jihova kituou Mosa se sie, Nun nuou Joshua, Mosa kekhruohiu ki Jihovae mha pushücü,

Joshua 1:14

Nie nupfünuoko, nie nuonuoko mu nie kicükiriko khapie haki balie, derei nie rüpfhünuoko, terhü la rünyie keseko, nie siezedzürie Israelko mhodzü tuo pratuo, uko khruohilieketuo la,

Joshua 1:16

Ukoe Joshua die kela di sie, “No mhakehoupuorei hie ki kepuko chütuo mu no kehourapuo vonu hie ketse shierei hieko votuowe.

Joshua 22:1

Sitse Joshuae Reubenmia mu Gadmia mu Manasseh yiemia tietsapuo kie kengushü,