Johan Seu 1:6 - Angami Naga CL (Re-edited) Bible (BSI)

⁶ uko rei no mia khriekecü dze pie kehouu ki zhapu chüya. No Ukepenuopfü mhodzünu chü kezhüu chüshü di uko khruohipie ketseshü ro vituo;

Johan Seu 1:6 Iomraidhean Croise

Keriekitho 4:7

No rei mha puotouu chülie ro, n lielie lho üme? Derei no mha puotouu chülie moro kephouma n kikha ki zhü zo, süu n mengutuo, derei no süu penyülie morosuo.”

Jona 4:4

Sitse Jihova sie, “No n nei mokecü mese üba me?”

Mhakechüko 15:29

Süu mha pie terhuorhi rüsuokewa vieko cü molie; thezie siro khunuo chakhrikewako cü molie mu pierüü chü molie. Nieko die süko ze balie liro vi zotuo. Keviu chü balie!”

Mhakechüko 15:3

Süla kehoue uko ze vo chala nu shüshü tsiu ukoe Foinikia mu Samaria pfüthe vo, ukoe Judakemoko u nou kedikelie dze pushü, süla kepelemiako u nei phita.

Mhakechüko 21:5

Derei hieko zhako tseita tse, uko ze kekhota di hieko rüvecha nu va lata. Süki uko pete rei u nupfü u nuonuo sa di hie ze casie pra. Dzükezha khie nu hie khoutou phrelie di kecha chülie,

Rommiako 15:24

a Spain nu kevo ki vortuo. Kekreilamonyü a rüve teiu nu a nieko ze kengushü di nieko bu a ketseshütuo, va puo puotei huo nieko ze a nei zalieketa sie.

Korintmiako Kenieu 1:16

a Makedonia nu kevo ki nie ki vor mu lakecü ki rei nie ki vorketuo lesie, sidi nie bu a ketsepie Judia nu voketuo le.

Filipiko 4:14

Puoü ba rei, nieko a mezhieu keza pfükelie la nieko pezie ho.

Kolosiko 1:10

sitse nie Niepuu nei chü di lhoulie, puo nei puo medoko chü tseiütsolietuo, tsiu nie bu mhatho kevi neiüko nu nie si rüchülie mu Ukepenuopfü mhasi dzetsa vi kehielietuo.

Thesaloniako Kerieu 2:12

süu hie nie ki cha beiya, nie bu lielie kesü kelhou lhoulienu di Ukepenuopfüe nie kiepie puo kedi tsiu zayieu nu shülieketa la, hie nie tarho mu nie chü kethepfushüya.

Tita 3:13

Siro thezhokesiu Zena mu Apolo unie ketseshülie, siro unie bu mhapuorei tsopfhü molieketuo keseshülie.

Pitor Kerieu 2:20

Nieko mha kesuo kechü la, mia nie pechükecü hielie rei süu la therhu kikecüpuo ngulie ta? Derei nie puotouu chü di süu la kemezhielie mu süu hielie ro nie Ukepenuopfü nei chüliete.

Johan Seu 1:12

Mia pete rei Demetria pu peviya, mu ketho-u rei puo zhapuya. Hie rei süu ketho zo ücü zhapu chüya, mu no rei hie kepuu ketho zo ücü si ba.