Johan Seu 1:11 - Angami Naga CL (Re-edited) Bible (BSI)

¹¹ Kekhrieu, mha kesuo dorielie hiecie, derei mha kevi dorielielie. Kehoupuorei mha kevi chüyakezhamia Ukepenuopfü kinu zo; kehoupuorei mha kesuo chüyakezhamia Ukepenuopfü ngu mo.

Johan Seu 1:11 Iomraidhean Croise

Chieliko 34:14

Kesuou nunu talie, di mha kevi chülie; nouneu pfhülie, süu whuo zo volie.

Chieliko 37:27

Kesuou nunu rüreilie, mu mha kevi chülie, sitse no kechachie lhou tuolietuo.

Toukepra 23:2

Noe mha kesuo chütuo üdi themia krodi siemedzi lho; morei dienya nu kekrükecü krodiu medzi di kemezhüu bie kediwatuoü zhapu chü lho;

Mhasidie 12:11

Puo thuo puo lie ciekeliemia puoca puova menhou, derei kemethuokemeruo whuo ketuomia mharhi si mo zo.

Johan 10:27

A kuoko a pfhe rünyüya. A süko si ba, mu uko a siemedziya.

Johan 12:26

Kehoupuorei a lie chüyakezhamia a siemedzituo, mu a kituomia a kebara batuo. Kehoupuorei a lie chükezhamia a Puou rei sümia rhutuo.

Johan 3:20

Kehoupuorei mha kesuo chüyakezhamia kezieu ngumecüya, ue u mhatho kesuo kechüu thashü mia kie moketuo la.

Korintmiako Kerieu 11:1

A Khrista dorielieyakezha tuoi nieko rei a dorie lieliecie.

Korintmiako Kerieu 4:16

Süla a nieko bu a dorielielienu di nieko hüshüzhie.

Efesako 5:1

Niekoe nuokhrienuo chüketa tuoi, Ukepenuopfü dorie lieliecie,

Filipiko 3:17

A zenuoko, nieko a dorie lieliecie, siro hie thapie nie kiekeshü mhie di lhouyakezhako meho menuolie.

Thesaloniako Kerieu 1:6

Siro nie hie tsiu Niepuu dorielielieta zo, kekreilamonyü nie pechüpenyü phicü nu rei Kemesa Ruopfü nunu nie nei di dieu lieliecü la,

Thesaloniako Kerieu 2:14

Süla hie kezeko, nie rei Judia nu Khrista Jisu la Ukepenuopfü kehou chüketako dorielielie, süko Judako kinu kemezhiekelie tuoi, nieko rei nie thuo nie ramia dzie nu kemezhielie,

Timothi Kenieu 3:10

Sirei no zo we a kepetha die, a zho, a kelhou nu mharü, a kepele, a shükhreshühiekecü, a mia kekhrie, a metei thakelie,

Ibriko 6:12

sidi nie bu mecüta mo di pelekelieko mu shügeshühielieketako tuoi phrapie kezhüko wekelieu zo.

Pitor Kerieu 3:11

U bu kesuou nunu rüreilie di mha kevi chülie; u bu nouneu pfhülie mu süu whuo zo volie.

Pitor Kerieu 3:13

Nie mha kevi kechü la nie rhiechüya ro supuonie nie pesuowalie vi ta?

Johan Kerieu 2:29

We puo miatho zo ücü si ba ro, nie kehoupuorei miathoyakezhamia puo nunu penuolie zo ücü si tou batuo.

Johan Kerieu 3:10

Ukepenuopfü nuonuoko mu terhuokesuou nuonuoko hamhie di thashüya: kehoupuorei puotou chüyakemomia morei puo siezedzürie khrieyakemomia Ukepenuopfü kinu vor mo.

Johan Kerieu 4:1

A khrieko, ruopfü kehoupuorei peleta hie, derei ruopfü süko Ukepenuopfü kinu vor mo mo shicü rie menuoliecie; ketijü siedzekesi kekra par kijüu gei tuotacü la.