Johan Kerieu 4:9 - Angami Naga CL (Re-edited) Bible (BSI)

⁹ Hamhie di Ukepenuopfü kekhrieu thapie u kieshü: Ukepenuopfü puo Nuo pfuliu ketsepie kijü hanu keshüe u bu puo geinu kerhei ngulieketuo la zo.

Johan Kerieu 4:9 Iomraidhean Croise

Keriekitho 22:2

Sitse puo sie, “N nuou zelie, n nuo pfuliu Isak, no puo khrieyakezhau, sidi tuose Moria kijü nu volie, di a n ki pushüketuo kijüthouko puo geinu puo khapie kethe ruosuo chüshücie.”

Chieliko 2:7

A Jihovae thezho khakeshüu putuo: Puo a ki pu di, “No a nuo zo; a thie n penuoshü.

Mark 12:6

Puo tsie rei mia puo baluo, süu puo nuo puo khrieu zo. Süla puo sie, ‘Uko a nuou sü rhulietuo,’ idi thela nu puo nuou ketsepie uko ki shü.

LUK THUKESHÜ DIELIEKEVI 4:18

“Niepuu Ruopfüu a gei tuo, puo a bu dieliekeviu pie kejüko ki punu a kenhelieketa la. Puo a bu miadie chüketuoko khashüwaketuo pushieshünu, siro mhicieko bu mha ngu lalieketuo punu, tsiu mia bu u pesekezhako khashünu,

Johan 10:10

Kerügumia rügutuoü, mia dukhrituoü mu mha pekatuoücü la rübei voryakezha zo. A zowe mia bu kerhei ngulie mu u ketshukelhuo ngulieketuo la kevor zo.

Johan 14:6

Jisu sie puo ki, “A chau, ketho-u mu kerheiu zo. A geinu zo kemosie miapuorei Puou ki vorlieya mo.

Johan 3:16

“Siro Ukepenuopfü kijüu khriethor zo di puo Nuo pfuliu khashü zo, kekreilamonyü themia kehoupuorei puo pelekelieu kaüjüta mo di kechachie kerhei ngulieketuo la.

Johan 3:18

Puo pelekeliemia pejolie lho; derei pelekemomia tsie rei pejopie bata zo, ue Ukepenuopfü Nuo pfuliu za nunu pelelie moketa la.

Johan 5:23

Sidi mia bu Puou rhuyakezha tuoi, Nuou rei rhulieketuo la. Kehoupuorei Nuou rhuya kemo-u puo ketsekeshü Puou rei rhuya mo.

Johan 6:29

Jisu uko die kela di sie, “Ukepenuopfü mhatho-u sü, nie bu puoe ketsekeshüu pelekelieu zo,” sishü.

Johan 6:51

A teigei nu keker niekhrüdau zo. Kehoupuorei niekhrüda hau cü ro kechachie rhei tuotatuo, mu kijüu bu kerhei ngulieketuo la khakeshü niekhrüdau sü a chü zo.”

Johan 6:57

Rhei tuoyakezha Puou a ketsekeshü tuoi, mu Puou la a rei rhei ketuo zo, süla kehoupuorei a chü cükezhamia a la rheilie zotuo.

Johan 8:29

Siro a ketsekeshüu rei a ze tuo zo; puo a bu a rübeitaya mo; a puo neiko chü seiyakezha la.”

Johan 8:42

Jisu sie uko ki, Ukepenuopfü nieko Puou liro nieko a khrietuo; a Ukepenuopfü kinu par mu vor zokecü la. A a thuo a medo nunu vor mo, derei puo thuo a ketsekeshü zo.

Johan 9:3

Jisu sie, “Puo kephouma morei puo krü kephouma la rei mo, sirei puo geinu Ukepenuopfü mhathoko pie pesipengushüketuo la hiketa zo.

Rommiako 8:32

Puo thuo puo Nuou zorei khrie mo di u pete la khashü üro, puoe mha kekrei pete puo Nuou sa khashü u tsü motuo me?

Ibriko 1:5

Kekreilamonyü Ukepenuopfüe teigeidielieko supuo üse, “No a Nuo zo; a thie n penuoliete,” morei sie, “A puo puo chütuo, mu puo a nuo chütuo,” isi ga?

Johan Kerieu 3:16

Puoe u la puo phou khakeshü geinu we kekhrie-e kedipuo shicü silie, we rei huoniehuo la u phou khashü zhü zo.

Johan Kerieu 4:10

Kekhrie süu hau, we Ukepenuopfü khrielieta monyü puo thuo u khriekelie geinu u kephoumako ruotho la puo Nuou ketseshü.

Johan Kerieu 4:16

Siro hie thuo si mu pelekecü sü Ukepenuopfü kekhrieu u la zo. Ukepenuopfüe kekhrieu zo, mu kehoupuorei kekhrieu nu bayakezhamia Ukepenuopfü nou baya, mu Ukepenuopfü rei puo nou baya.

Johan Kerieu 5:11

Mu hauha zhapuu zo: Ukepenuopfü kechachie kerhei khashü u tsü, mu kerhei hau puo Nuou nou tuo.

Johan Kerieu 5:13

A hako thukeshü nie Ukepenuopfü Nuou pelelieketa khe bu kechachie kerhei nie vieta ücü silieketuo la zo.