Johan Kerieu 4:7 - Angami Naga CL (Re-edited) Bible (BSI)

⁷ A khrieko, úko huoniehuo khrielie khe, kekreilamonyü kekhrie-e Ukepenuopfü kinu vor zo; siro mia khrieyakezha khe Ukepenuopfü geinu u penuolieta zo mu Ukepenuopfü siya.

Johan Kerieu 4:7 Iomraidhean Croise

Johan 13:34

A diekhakeshü kesa puo pie nieko tsüshüzhie, nieko huoniehuo khrieliecie. A nieko khrie kevor tuoi nieko rei huoniehuo khrielie morosuo.

Johan 17:3

Siro uko bu ketho Kepenuopfüe puo rübei zokecü mu noe puo ketsekeshü Jisu Khrista sikelie süusü kechachie kerhei zo.

Korintmiako Kerieu 8:3

derei kehoupuorei Ukepenuopfü khrieyakezhau puo bu puo silieya.

Korintmiako Kenieu 4:6

Ukepenuopfü thuo pukecü, “Kezie bu kezei nu zieliecie,” ikeshü, süu Ukepenuopfü zayie kechüu mu mhasiu hie nou va pezielie di Jisu Khrista zie geinu thashüwate.

Galatiako 4:9

Derei tsie we nieko Ukepenuopfü siliete, sizomonyü Ukepenuopfü bu nie siliete, kiüdi nieko rürei la kethachü mu kemezhiekecü ruopfüko ki votieya mu? Kiüdi nieko süko die chü la nyüya ga?

Galatiako 5:22

Derei Ruopfü si ro kekhrie, u neikecü, kezekevi, shügeshühiekecü, mia ngukemezhie, vikecü, kedietho,

Pulakeshüzho 30:6

Siro Jihova n Kepenuopfüe n bu n melou pete se mu n kerheiro pete se Jihova n Kepenuopfü khrielie di rheilieketuo la n melou mu n nuosenuoyie melou zhürewatuo.

Timothi Kenieu 1:7

kekreilamonyü Ukepenuopfü kemichie ruopfü pie u tsü monyü, kekuo mu kekhrie tsiu thenou kemezhü pie u tsüwate.

Pitor Kerieu 1:22

Tsie nie ketho-u dieze chükelie geinu nie ruopfü chü kemesaliete, nie donu kekhrie ketho-u bu balieketuo la, nie nou nu nie thochü di huoniehuo khrielie.

Johan Kerieu 2:10

Kehoupuorei puo siezedzürie khrieyakezhamia kezie nu lhou baya, mu themia sikecümia gei thephi kemesü tuo mo.

Johan Kerieu 2:29

We puo miatho zo ücü si ba ro, nie kehoupuorei miathoyakezhamia puo nunu penuolie zo ücü si tou batuo.

Johan Kerieu 2:3

We puo silietakecü sikelie-e, we puo diekhakeshüko zeyakezha la zo;

Johan Kerieu 2:4

Miapuonie, “A puo si,” idi pu, derei puo diekhakeshüko chüya moliro, süu ketijümia zo, mu sikecümia ketho-u puo nou ba mo;

Johan Kerieu 2:7

A khrieko, a diekhakeshü kesa puorei thupie nieko ki shütuo üzhü mo, derei diekhakeshü keweu, nie sietsenu ngulieketau zo; diekhakeshü keweu sü nieko rünyülieketa dieu zo.

Johan Kerieu 3:9

Ukepenuopfü nunu penuolieketamia kephouma chü motaya, kekreilamonyü Ukepenuopfü tsiau puo gei batacü la. Ukoe kephouma chü salie kenjü, ukoe Ukepenuopfü geinu penuolieketa la.

Johan Kerieu 4:11

A khrieko, Ukepenuopfüe u khriepie hathede chüshü üro, we rei huoniehuo khrielie zhü.

Johan Kerieu 4:12

Miapuorei Ukepenuopfü ngu chie mo; we huoniehuo khrieya ro, Ukepenuopfü u nou bate, mu puo kekhrieu u geinu tseilieya.

Johan Kerieu 4:16

Siro hie thuo si mu pelekecü sü Ukepenuopfü kekhrieu u la zo. Ukepenuopfüe kekhrieu zo, mu kehoupuorei kekhrieu nu bayakezhamia Ukepenuopfü nou baya, mu Ukepenuopfü rei puo nou baya.

Johan Kerieu 4:20

Miapuonie, “A Ukepenuopfü khrieya” isi di puo siezedzürie ngumecüya ro, sümia kemedamia zo; kekreilamonyü puoe nguyakezha puo siezedzürie khrielie moliro, nguya kemo Ukepenuopfü khrielie kenjü.

Johan Kerieu 4:8

Mia khrieyakemomia Ukepenuopfü siya mo; kekreilamonyü Ukepenuopfüe kekhrieu zocü la.

Johan Kerieu 5:1

Kehoupuorei Jisue Khrista ükecü peleyakezhau Ukepenuopfü nunu penuolieta zo mu kehoupuorei puo krü khrieyakezhau puo nuo rei khrieya.

Johan Kenieu 1:5

Siro tsie we, kekhrie thenupfü, a n ki chaya, a thupie n ki shüzhükecü hau diekhakeshü kesa puorei mo, derei we sietsenu ngulieketa u bu huoniehuo khrielienukecüu zo.