Johan Kerieu 4:12 - Angami Naga CL (Re-edited) Bible (BSI)

¹² Miapuorei Ukepenuopfü ngu chie mo; we huoniehuo khrieya ro, Ukepenuopfü u nou bate, mu puo kekhrieu u geinu tseilieya.

Johan Kerieu 4:12 Iomraidhean Croise

Keriekitho 32:30

Süla Jakob-e thechü süki za thopie Peniel chüwa, di pucü, “A mhotsou Ukepenuopfü nguwate, sizorei a kerheiro kelashüte.”

Toukepra 33:20

Derei” puoe sie, “No a zie we ngulie kenjü; themia a zie ngu di rheilie kenjükecü la.”

Nuolhoutsüphrü 12:8

Puo zowe a mhotsou, mecümecie di puo rüchüya, dievi nunu ya mo; sidi puoe Jihova rhiu nguya. Süla nnie kiüdi a kituou Mosa ngukemvü die pu michieya mo ga?”

Johan 1:18

Miapuorei mhakipuorei Ukepenuopfü ngu mo. Süu Ukepenuopfü Nuo pfuliu, puo Puo merü gei kebau thuo mia bu puo sikelie chükeshü zo.

Korintmiako Kerieu 13:13

Tsiu kepele, kemerü mu kekhrie se hako batuo, mu süko donu kezhatho-u sü kekhrie zo.

Timothi Kerieu 1:17

Siro kechachie Kediu, siatalie kelho-u, umhi pie ngulie kelho-u, Ukepenuopfü puo rübei zokecüu bu kechachie thetshetherhupfü mu zapuzayie chücie. Amen.

Timothi Kerieu 6:16

Puo rübei siaüjütalie kelho-u mu miapuorei penuo volie kelho kezie nu lhou kebau, miapuorei puo ngu mo mu ngu reilie lho; puo bu telhekechachie therhupfü mu kedi chücie. Amen.

Ibriko 11:27

Kepele la puo kediu nouyieu prei mo zo di Ijipt nunu tuoprata, kekreilamonyü puoe umhi ü ngulie kelho-u ngu baketa tuoi khashü mvü beita zo.

Johan Kerieu 2:5

derei kehoupuorei puo die zeyakezhau Kepenuopfü kekhrieu puo geinu chü tseishüya. Hau geinu we puo nou ba ücü si toulieya:

Johan Kerieu 3:24

Kehoupuorei puo diekhakeshüko chüüzeya ro puo gei baya mu puo rei süko gei baya. Mu hau la puo khapie u tsükeshü Ruopfüu geinu puo u gei ba ücü silieya.

Johan Kerieu 4:16

Siro hie thuo si mu pelekecü sü Ukepenuopfü kekhrieu u la zo. Ukepenuopfüe kekhrieu zo, mu kehoupuorei kekhrieu nu bayakezhamia Ukepenuopfü nou baya, mu Ukepenuopfü rei puo nou baya.

Johan Kerieu 4:20

Miapuonie, “A Ukepenuopfü khrieya” isi di puo siezedzürie ngumecüya ro, sümia kemedamia zo; kekreilamonyü puoe nguyakezha puo siezedzürie khrielie moliro, nguya kemo Ukepenuopfü khrielie kenjü.

Johan Kerieu 4:6

Úko we Ukepenuopfü kinu vor zo. Kehoupuorei Ukepenuopfü siyakezhako u die rünyüya, mu kehoupuorei Ukepenuopfü kinu vor moro u die rünyüya mo. Süla we hau geinu ketho ruopfü mu ketho kemo ruopfüu si kekreilieya.