Johan Kerieu 4:1 - Angami Naga CL (Re-edited) Bible (BSI)

¹ A khrieko, ruopfü kehoupuorei peleta hie, derei ruopfü süko Ukepenuopfü kinu vor mo mo shicü rie menuoliecie; ketijü siedzekesi kekra par kijüu gei tuotacü la.

Johan Kerieu 4:1 Iomraidhean Croise

Kediko Kerieu 13:18

Süsie kekreiu puo ki pu di, “A rei n tuoi siedzekesimia mu teigeidielieu Jihova die se a ki pu di: Puo bu mhacümhakrielieketuo la puo ze n ki vorliecie,” sishü. Derei puo puo ki medawa.

Mhasidie 14:15

Miamomiae mha pete peleya, derei ketseiphreimia puo kevo cha meho menuoya.

Jeremia 14:14

Süla Jihova a ki: Siedzekesikoe a zanu ketijü siedze puya; A uko ketseshü mo, morei uko bu chünu uko ki pu mo, morei uko rüchü rei mo. Ukoe ketho kemo ziemho, kemeduo die, tsiu kethemou di mha seketsiketuo ketijü siedze puya.

Jeremia 23:16

Krodiko Jihovae puya: Siedzekesiko nieko ki siedzedie pukecü rünyü hiecie; ukoe nie chü penya keba zo. Ukoe u thuo u nou nu kenguu puya, Jihova tie nunu kevor puya mo.

Jeremia 5:31

Siedzekesiko ketijü siedzedie pu, mu zievokoe siedzekesiko pukeshü medzi di mha kekha; a themiakoe sikecü u neite, derei nieko puo thela kevor nhie kedipuo chütuo ga?

Mark 13:21

Mu sükisü kehoupuorei nie ki, ‘Harie, Khrista haki ba,’ morei ‘Lere-i, puo luki ba!’ isi rei pele hiecie.

LUK THUKESHÜ DIELIEKEVI 12:57

“Nieko kiüdi nie thuo vi ükecüu pepilieya mo ga?

LUK THUKESHÜ DIELIEKEVI 21:8

Sitse puo sie, “Nieko mia bu nie sewa molieketuo la nie kirei tuoliecie, kekreilamonyü themia kekra a za se, ‘A puo zowe!’ tsiu ‘Puoteiu sü vorte!’ isi vortuo. Siürei süko medzita hie.

Mhakechüko 17:11

Hanu keba Judako Thesalonika nu kebako ki u nou mezhükuo, kekreilamonyü ukoe u nei siei di dieu lielie mu die süko puotou mo mo shiü silieketuo la teisonhie kethodieko pfhü phrüya.

Mhakechüko 20:29

A tuoketa sie socie puo zho kesuoko nieko donu vor zotuokecü si ba, mu tekuokro-u khrielie lho.

Korintmiako Kerieu 12:10

tsiu Ruopfü süu geinu ungomhatho chülieketuo kekuo se huomia tsü, siro siedzedie kepu mhaphruo se huomia tsü, tsiu ruopfüko si kekreilie kevi se huomia tsü, siro pfhe kekrei pulie kevi se huomia tsü mu pfhe kekrei ca pulie kevi se huomia tsü.

Korintmiako Kerieu 14:29

Mia keniekese bu siedzedie pulie, mu kekreimiako bu pukeshüko ca leshülie.

Thesaloniako Kerieu 5:20

Siedzedieko rütseta hie,

Thesaloniako Kerieu 5:21

derei mhakehoupuorei rie menuolie; sidi mha keviu thezetsa zolie;

Thesaloniako Kenieu 2:2

ruopfü puo la morei mia die la morei leshü thukeshü puo la üdi Niepuu teisozhau vorta ükecü die se nie hüwa di nie nou kehoukeruo chü bata hiecie.

Timothi Kerieu 4:1

Sirei Ruopfüe pu kemecie toukeshü thiesie huomia kepele vawa di u ketsikezha ruopfüko mu terhuo kerüzhüko kepetha dieko rünyütatuo,

Timothi Kenieu 3:13

Derei kerüzhümiako tsiu mia seyakezhako u thuo u seya, mu kekreimia rei seya, süko suo miemietatuo.

Pitor Kenieu 2:1

Derei themia donu siedzekesi ketijü sieryakezha tuoi nieko donu rei kepetha ketijüko sier zotuo, süko pekhre di mia pekaketuo kemeda dieko se vortuo. Siro ukoe uko khrükelie Niepuu rei melietatuo, sidi kepeka meshüpie uko thuo uko gei shü mhailietuo.

Johan Kerieu 2:18

A nuonuoko, thela teiu penuo bate! Siro Khrista ngumvü vortazhükecü nie silieketa tuoi tsie rei Khrista ngumvü kekra sier bate. Sü geinu thela teiu sü vor bata ükecü we silieya.

Johan Kerieu 2:7

A khrieko, a diekhakeshü kesa puorei thupie nieko ki shütuo üzhü mo, derei diekhakeshü keweu, nie sietsenu ngulieketau zo; diekhakeshü keweu sü nieko rünyülieketa dieu zo.

Johan Kenieu 1:7

Mia setuoyakezha kekra par kijüu nu tuote, süko Jisu Khrista üse chüüphou chüpfü di lhoukecü phraya mo; themia sikecümia sü miakesemia mu Khrista ngumvümia zo.

Johan Seu 1:11

Kekhrieu, mha kesuo dorielie hiecie, derei mha kevi dorielielie. Kehoupuorei mha kevi chüyakezhamia Ukepenuopfü kinu zo; kehoupuorei mha kesuo chüyakezhamia Ukepenuopfü ngu mo.

Pesikeshü 2:2

“A n mhathoko si, n rhiechükecü mu shügeshühie phikecü. Kesuo kechümia n medelie kenjücü a si; mu no huomia u thuo uü apostelmia ükezhako rüli rie di sükoe moketa tsiu uko tijü silie.