Johan Kerieu 3:9 - Angami Naga CL (Re-edited) Bible (BSI)

⁹ Ukepenuopfü nunu penuolieketamia kephouma chü motaya, kekreilamonyü Ukepenuopfü tsiau puo gei batacü la. Ukoe kephouma chü salie kenjü, ukoe Ukepenuopfü geinu penuolieketa la.

Johan Kerieu 3:9 Iomraidhean Croise

JOB LESHÜDAU 19:28

Derei niekoe, ‘Kimhie di we puo pechütuo ga!’ Süu, ‘Puocapuolau puo geinu nguliete eru.’

Chieliko 119:3

Kekrü kemomiako; mu puo chako nu ketuoko rei.

Levimiako 11:37

Mu uko kesiamo kehoupuorei tsia prutuoü keba tsiau gei tetsu va zo rei süue mesa zotuo;

Mathi 7:18

Seibo kevi puorei puosi kesuo vütalie kenjü, mu sei kesuo puorei puosi kevi vülie kenjü.

Johan 1:13

sükoe chüüzie nunu, morei chüüphou medo nunu, morei themia medo nunu monyü Ukepenuopfü nunu penuokelie zo.

Johan 3:3

Jisu sie puo ki, “A n ki pu toushütuo, penuo kesa la kemosie miapuorei Ukepenuopfü kedi ngukelie jü.”

Mhakechüko 4:20

kekreilamonyü hie kesi kenguu pu molie kenjü ze.”

Rommiako 6:2

Suotuo! We kephouma kitsa siaketako kikidi sünu lhou sa volie vituo ga?

Galatiako 5:17

Chüüphou mengukoe Ruopfüu petsouya, mu Ruopfüu mengukoe chüüphou menguko ze kepetsouya; hanieha kepetsouya, nie bu nie menguu chüta molieketuo la.

Tita 1:2

süu tijülie kelho Ukepenuopfü thuo nnhiennhie nu pupie ketuo,

Pitor Kerieu 1:23

Niekoe penuo kesaliete; süu kaüjütalie kevi nunu monyü kaüjütalie kelho tsiau nunu zo, süu rhei mu ba seiyakezha Ukepenuopfü dieu geinu zo.

Johan Kerieu 2:29

We puo miatho zo ücü si ba ro, nie kehoupuorei miathoyakezhamia puo nunu penuolie zo ücü si tou batuo.

Johan Kerieu 3:6

Kehoupuorei puo gei kebamia kephouma chü zo baya mo, kephouma chüyakezhamia mhakipuorei puo ngu mo morei puo si rei mo.

Johan Kerieu 4:7

A khrieko, úko huoniehuo khrielie khe, kekreilamonyü kekhrie-e Ukepenuopfü kinu vor zo; siro mia khrieyakezha khe Ukepenuopfü geinu u penuolieta zo mu Ukepenuopfü siya.

Johan Kerieu 5:1

Kehoupuorei Jisue Khrista ükecü peleyakezhau Ukepenuopfü nunu penuolieta zo mu kehoupuorei puo krü khrieyakezhau puo nuo rei khrieya.

Johan Kerieu 5:18

Ukepenuopfü nunu penuolieketako we kephouma chü zo bataya mo; derei Ukepenuopfü nunu penuolieketako rüguose bataya, sidi kesuou bu uko biewaya mo.

Johan Kerieu 5:4

Kehoupuorei Ukepenuopfü geinu penuo parketau kijüu ki kuolieya. Mu kijüu ki kuokelie süusüe u kepeleu zo.

Johan Seu 1:11

Kekhrieu, mha kesuo dorielie hiecie, derei mha kevi dorielielie. Kehoupuorei mha kevi chüyakezhamia Ukepenuopfü kinu zo; kehoupuorei mha kesuo chüyakezhamia Ukepenuopfü ngu mo.