Johan Kerieu 3:8 - Angami Naga CL (Re-edited) Bible (BSI)

⁸ Kehoupuorei kephouma chüyakezhamia terhuokesuou nuonuo zo; kekreilamonyü terhuokesuou sietse nu kephouma chüketa la. Hau la Ukepenuopfü Nuou terhuokesuou mhathoko pekawatuo üdi mia mhingu chü vor zo.

Johan Kerieu 3:8 Iomraidhean Croise

Keriekitho 3:15

A thenupfü nnie bu kengumvütuo, puo yie mu n yie donu, puo n tsü bietshietuo, mu no puo phitshü medutuo.”

Isaya 27:1

Sünhie Jihovae puo zhiecha khriekecü, kezha mu kemeteiu pie ta kevi tinyhüu Leviathan, rüwirügekecü tinyhü Leviathan petseishütuo, mu puoe dzükezha nu keba kesüdiu dukhriwatuo.

Nuolhoutsüphrü 21:9

Süla Mosae mese pie tinyhü puo chülie, di süu pie co puo gei piezhalie: mu tinyhü bu u medukewa kehoupuorei mese tinyhüu mehokelie khe rheilie.

Mathi 12:28

Derei a Kepenuopfü Ruopfü kekuo se di terhuokesuoko whuoya liro, siro Kepenuopfü kedi vor nie tso bate.

Mathi 13:38

lieu sü kijüu, mu tsia keviko sü kedinuonuoko; zotshü tsiako sü kesuou nuonuoko zo;

Mathi 4:3

Sitse kedokecüu vor di sie puo ki, “No Ukepenuopfü Nuou üro, ketsie hako ki pushü di uko bu niekhrüda meviliecie,” sita.

Mark 1:24

ru puo ruorüi di sie, “Nazaret Jisu, no hieko ze kedipuo chütieya ga? No hieko pekawatuoü hanu vor me? A n si, no Ukepenuopfü Kemesau zo,” sita.

LUK THUKESHÜ DIELIEKEVI 10:18

Süsie puo uko ki, “Satan teigei nu teikemela tuoi te tsurketa a ngu ho.

Johan 12:31

Tsie kijü hau nyie pepicü teiute, tsie kijü hanu kediu whuowatuo.

Johan 16:11

kepejo dze süu kijü hau kediu pejopie baketau zo.

Johan 8:44

Nieko sü nieko puou Satan kinu zo, mu nieko puo menguko chü nyüya. Sietsenu zorei puoe mia kedukhrimia zo, mu puo mhakipuorei ketho-u nu thaya mo, kekreilamonyü ketho-u puorei puo nou tuo mo. Puo ketijü pu rei süu puo zho zo, puo ketijümia mu kecürüko krüu zocü la.

Rommiako 16:20

Noune Kepenuopfüe pecha mo di Satan penyüpie nie phikhroshüwatuo. U Niepu Jisu ngukemezhieu bu nieko ze baliecie.

Efesako 2:2

sükisü nieko kijü hau zho se lhou, teikijü donu di tuoyakezhau medo ze, tsiedo mia die zeya kemo kekha seketuo ruopfüu dieze chü vor.

Kolosiko 2:15

Puo kezhako mu kekuoko te phrelie di uko mho kuolie di mechü mhodzünu uko pie thakie chüshü.

Timothi Kerieu 3:16

u kepele u ngokecü hau zhaü molie kenjü: Chüüzie nunu puo pie pengushü, ruopfü nu mezhülie, teigeidielieko bu ngu, Judakemomia donu pu pesishü, kijü vala ketso puo pelelie, zapuzayie nunu puo ze khote.

Ibriko 2:14

Süla nuo süko keze themia chüüzie chükepfü tuoi, puo rei puochü puozie chüpfü, sidi puo siakeshü geinu kesia kekuo kenyi terhuokesuou penyüwa,

Ibriko 9:26

simotuo ükecü sie kijü chülie tsenu vor kenuotsa ketso puo tsiemelie kemezhie morosuota zotuo. Derei puo mia mhingu chü vor di kephouma valieketuo la puo thuo puo pie vapuochü ruosuo chüwate.

Pitor Kenieu 2:4

Kekreilamonyü thiedzü teigeidieliemia kro puo phoumaketa ki Ukepenuopfü süko rei khrie mo zo di süko tepie mizie nu shüwa, mu ketsokecü teiu ketso la uko khapie kezei kesoutho nu phapie bawate;

Johan Kerieu 1:2

kerhei hau ngulie kevi chüshü, hie rei ngu zo, süla hie süu dze zhapu chüya, mu kechachie kerhei u Puou ze ketuo, hie pesipengukeshüu dze pie nie ki puya.

Johan Kerieu 3:10

Ukepenuopfü nuonuoko mu terhuokesuou nuonuoko hamhie di thashüya: kehoupuorei puotou chüyakemomia morei puo siezedzürie khrieyakemomia Ukepenuopfü kinu vor mo.

Johan Kerieu 3:5

Puoe kephouma chü setatuoücü la mia mhingu chü vorcü nie si ba, mu puo gei kephouma puorei jü.

Johan Kerieu 5:19

We Ukepenuopfü nuonuo ücü si bate, mu kijüu pete kerüzhüu kekuo khro ba zo.

Juda 1:6

Mu thiedzü teigeidieliemia kro puo u thau se balie mota, sidi u kelhouchü keviu khawaketako, puoe süko khapie kechachie kezeiu khrükhro nu phapie ketsokecü teisozha kezhau pfhe bate.

Pesikeshü 20:10

Mu terhuokesuou, uko sewaketau kelhoupie mizie mu mitsie nu shüwa, sünu nhachüu mu ketijü siedzekesiu rei ba, sünu teizeiteiso telhekechachie uko pechütuo.

Pesikeshü 20:15

tsiu kehoupuorei u za thupie kerheiprü leshüda nu zhü kemoko kelhoupie mizieu nu shüwa.