Johan Kerieu 3:5 - Angami Naga CL (Re-edited) Bible (BSI)

⁵ Puoe kephouma chü setatuoücü la mia mhingu chü vorcü nie si ba, mu puo gei kephouma puorei jü.

Johan Kerieu 3:5 Iomraidhean Croise

Hosea 14:2

Dieko selie di no rürei Jihova ki vorlie; sidi puo ki, “Kejokemou pete chüsetayi; mha keviu lielie, siro hie hie tie siu pie ruosuo chüshütuo.

Mathi 1:21

Puo thepfunuomia puo penuolietuo, mu no puo za thopie Jisu chüliecie, kekreilamonyü puoe puo themiako kephouma nunu uko kelalie zotuocü la,” sita.

LUK THUKESHÜ DIELIEKEVI 23:41

Derei avu we avu siazha ngulie zhü, avu we avu mhatho zhakhra nguzhie, derei themia hau we mhapuorei chü kekrü mo,” sita.

LUK THUKESHÜ DIELIEKEVI 23:47

Siro chüpahi kriemhokezhau mhachüketako pete ngushü di Ukepenuopfü tshe di sie, “Themia hau kejo kejümia puotou zo.”

Johan 1:29

Süsienhie Johan Jisu puo ki vorkezhü ngulie di sie, “Harie, kijüu kephouma chü setakezha Ukepenuopfü Kuonuou sü!

Johan 1:31

A thuo rei puo süu zo ükecü silie mota zo; derei puo pie Israelmia pesishüketuo la a dzü nunu mia dzülu khashü kevor zo.”

Johan 14:30

A nieko ze kerüchü pecha ba salie lhote, kijü hau kediu vortazhücü la. Puo a mho puo kekuo ba mo;

Johan 8:46

Nieko supuonie kephouma pu a dalie vi ga? A ketho-u puya ro nieko kiüdi a pelelie mo ga?

Korintmiako Kenieu 5:21

U lanu kephouma si motokecüu chüpie kephouma chüwa, sidi u bu puo geinu Ukepenuopfü kemiatho-u nu u ya nyilie.

Timothi Kerieu 1:15

Khrista Jisue kephoumako kelalietuo üdi kijü tsurkecü die süu ketho tou zo mu süu ze ketseiketsolie zhü, süko donu a we phoumado-u zo.

Timothi Kerieu 3:16

u kepele u ngokecü hau zhaü molie kenjü: Chüüzie nunu puo pie pengushü, ruopfü nu mezhülie, teigeidielieko bu ngu, Judakemomia donu pu pesishü, kijü vala ketso puo pelelie, zapuzayie nunu puo ze khote.

Tita 2:14

Puoe u kesuo kheko nunu u rhalie mu u khrü kemesapie puo thuo puo themia kro puo chülietuoü u bu mha kevi pete nu u rhiechülietuo üdi puo kelhou khashü.

Ibriko 1:3

Puo geinu Ukepenuopfü zayie khrüu rükesoshüya mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, di vo peso gei Kezhatho-u zatsa bate,

Ibriko 4:15

Kekreilamonyü we u kethachüko silie kelho zievokezhatho-u puo monyü puo zorei u kemhie di dophi kehoupuorei dzükelie puo bate, puo zowe kephouma puorei jü.

Ibriko 7:26

Kekreilamonyü we zievokezhatho haikecü se morosuo tuoya, puoe mesa, pejolie lho, rhuta mo, kephoumamia kinu kelakreilie di teiko ki rei rükriekuo.

Ibriko 9:26

simotuo ükecü sie kijü chülie tsenu vor kenuotsa ketso puo tsiemelie kemezhie morosuota zotuo. Derei puo mia mhingu chü vor di kephouma valieketuo la puo thuo puo pie vapuochü ruosuo chüwate.

Ibriko 9:28

Khrista rei themia kekra kephouma pfülietuo üdi vapuochü puo phou khashüwate, mu puo vorketuo va kenieu we kephouma dze la monyü puo merü kelho di pfhe kebako kelalieketuo la vorcü zotuo.

Pitor Kerieu 1:18

Nie puonuoko kinu keyie kevor kemethuo zhorüliko nunu nie rhalieketa nie si ba, mu nie rhakelie süusü kaüjütalie kevi rakachü morei suna se mo,

Pitor Kerieu 1:20

Puoe kijüu mvü dzekelie mhodzü kedase tuote, derei nieko la vor thelatsanu puo pie mia pesipengukeshü zo.

Pitor Kerieu 2:22

“Puo kephouma chü mo, mu puo tie nu mia kese puorei ngulie mo.”

Pitor Kerieu 2:24

Puo thuo krus geinu u kephoumako puo mo geinu toupfüliete, sidi u bu kephouma kitsa u pesiawa mu kemiatho la lhou tuolieketuo la; puo kevüpfüko la nieko chü kemeneliete.

Pitor Kerieu 3:18

Khrista rei u ze Ukepenuopfü ki volieketuo la, kemiatho-u bu miathokemoko sou chü, vapuochü di kephoumako la sia. Chüüphou tsa we puo pesiawata zo, derei ruopfütsa we chü perhei laliete,

Johan Kerieu 1:2

kerhei hau ngulie kevi chüshü, hie rei ngu zo, süla hie süu dze zhapu chüya, mu kechachie kerhei u Puou ze ketuo, hie pesipengukeshüu dze pie nie ki puya.

Johan Kerieu 1:7

derei puo kezie nu tuoyakezha tuoi we rei kezieu nu lhou tuoya ro, we huoniehuo ze kekrothoya mu Nuou Jisu zie thuo kephouma pete nunu u chü kemesalieya.

Johan Kerieu 2:1

A nuonuoko, nie bu phouma molieketuo la a hako thupie nieko ki shüya. Derei huomia phoumata üro, u la Puou ki zhapu chü kethamia puo ba, süu kemiatho-u Jisu Khrista zo;

Johan Kerieu 2:2

mu puoe u kephoumako la u ruo chükewau zo, tsiu u kephoumako la rübei monyü kijü pete kephouma la rei zo.

Johan Kerieu 2:29

We puo miatho zo ücü si ba ro, nie kehoupuorei miathoyakezhamia puo nunu penuolie zo ücü si tou batuo.

Johan Kerieu 3:8

Kehoupuorei kephouma chüyakezhamia terhuokesuou nuonuo zo; kekreilamonyü terhuokesuou sietse nu kephouma chüketa la. Hau la Ukepenuopfü Nuou terhuokesuou mhathoko pekawatuo üdi mia mhingu chü vor zo.

Pesikeshü 1:5

mu kijü nu kediko mhokezhau, kesiako donunu rheisiekelie kerietho-u, kedietho zhapuu Jisu Khrista kinu nie gei vorcie. U khriekezhau mu puo zie pie u kephoumako nunu u rhakeshüu,