Johan Kerieu 2:1 - Angami Naga CL (Re-edited) Bible (BSI)

¹ A nuonuoko, nie bu phouma molieketuo la a hako thupie nieko ki shüya. Derei huomia phoumata üro, u la Puou ki zhapu chü kethamia puo ba, süu kemiatho-u Jisu Khrista zo;

Johan Kerieu 2:1 Iomraidhean Croise

Chieliko 4:4

N nou kehoukeruo chü keba ki phoumata hie; n zhü geinu mha leshülie di zei-ipfü balie. Selah

Ezekiel 3:21

Sishierei mhanuü noe kemiathoko ki thededie, u bu phouma hienushülie, mu ukoe phouma molie ro, uko rhei toulie zotuo, kekreilamonyü uko pukeshüu rünyülieketa la; mu no rei n kerheiro kelalietuo.

Zekaria 9:9

N nei philie, He-i Zion nuopfü! Shie petoshülie, He-i Jerusalem nuopfü! Harie, n kediu n ki vorzhie; zapuzayie mu kuokelie sü puo zo, menenuoi di gada geinu, gada kemedzü yopuo gei tuo.

LUK THUKESHÜ DIELIEKEVI 10:22

A Puou thuo mha peteko khapie a dzie nu shüwate, Puou zo kemosie miapuorei Nuou supuo shi siya mo, sütuoi Nuou mu Nuo süu thuo thapie kiekeshüu zo kemosie miapuorei Puou supuo shi siya mo.”

Johan 10:15

a Puoe a si keba tuoi a rei a Puou si ba. Mu a we a kuoko la a phou khashütuoüzhie.

Johan 13:33

Harie nhicuko, a nieko ze ba pechalie lhote. Nieko a pfhütuo, derei a Judako ki kepu tuoi a tsie nieko ki rei puya; ‘Nieko a kevo nu vorlie kenjü.’

Johan 14:16

Siro a Puou ki chatuo, mu puo Thukepeluo kekrei puo khashütuo, mu puoe kechachie nieko ze tuo zotuo.

Johan 14:6

Jisu sie puo ki, “A chau, ketho-u mu kerheiu zo. A geinu zo kemosie miapuorei Puou ki vorlieya mo.

Johan 21:5

Sitse Jisu uko ki, “A nuonuoko, nieko khuo puorei telie mo me?” Uko sie puo ki, “Molie.”

Johan 5:14

Süsie Jisu rüsuokiu nu themia süu ngulie di puo ki, “Harie, tsie we no shürholiete; mha kesuo n gei vor sakecü keprei la kephouma chü sa hietacie,” sishü:

Johan 5:36

Derei a zhapu Johan zhapuu ki rei zhakuokecü puo ba; Puou a bu chü tseishünu di khashü a ketsü mhatho a chüyakezhako thuo Puou a ketsekeshü thashüya.

Johan 6:27

Kaüjütaketuo kecüca pfhü hieü, kechachie rheilieketuo cau pfhüliecie, süu Themia Nuou thuo pie nieko tsütuo, Puou Ukepenuopfü thuo puo geinu zasiu vüwaketa la.”

Johan 8:11

Thenupfü sie puo ki, “Ulie, kezhau, miapuorei si molie.” Sitse Jisu sie puo ki, “A rei n pejolie lho. Tuo votalie, mu phouma la sa hie.”

Mhakechüko 7:52

Nieko puonuoko siedzekesimia pechüpenyü kemo huo ba üme? Uko thiedzü kemiatho lietho-u vorketuo dze pukeshü Ukepenuopfü dieliemiako dukhri, mu tsie nieko puo sewa mu dukhrikewamia chüte.

Rommiako 5:10

Mu we puo ngumvümia chü ketuo ki thuo rei puo Nuou se la u bu Ukepenuopfü ze kezevilie liro, puo ze kezevikelie sie puo kerheiu la u kela reikuolie zotuo.

Rommiako 6:15

Di siro kita? We thezho-u monyü ngukemezhieu khro baketa la kejokemou chü ba zotuo me? Suotuo!

Rommiako 8:34

Supuonie mia pejolie vi ta? Süu Khrista Jisu, puoe siakeshüu, rheilasiekelieu, sidi puoe vo Ukepenuopfü zatsa ba di u la cha bate.

Korintmiako Kerieu 15:34

Mhale kemezhülie di phouma sa hie; kekreilamonyü nieko huomia Ukepenuopfü dze si mo ba zo. A nieko bu mengalieketuo la die hau kepu zo.

Korintmiako Kenieu 5:21

U lanu kephouma si motokecüu chüpie kephouma chüwa, sidi u bu puo geinu Ukepenuopfü kemiatho-u nu u ya nyilie.

Galatiako 4:19

A nuonuoko, Khrista bu nieko nou ba toulie kemochie, a nieko la nuonuovachü chü bate,

Efesako 2:18

sidi puo la u kehoupuo bu rei Ruopfü puo geinu Puou ki volie kevi chüshü.

Efesako 4:26

Nie nouyie bu nie chüpie kephouma chüta hie, nie nei mo ba niaki pele hie,

Timothi Kerieu 2:5

Kekreilamonyü Ukepenuopfüe puo rübei zo; Ukepenuopfü mu themia donu ketha rei puo zo, süu themia chüketa, Khrista Jisu zo,

Timothi Kerieu 3:14

A n ki vor zikecü mengu zo, derei a die hako thupie n ki shücü, siro

Ibriko 9:24

Kekreilamonyü Khrista zowe themia dzie se chükelie kemesachüu nu le mo, süu ketho-u rhi puo zocü la, derei puo teigei le di tsie u sou chü vo Ukepenuopfü mhodzünu bate.

Jakob 1:27

Ukepenuopfü u Puou mhodzüki nanyü kemesa mu rhu mo bakelieu sü hau: Merünuomia siro samipfüko mezhie nu uko rükra mu khruohikelie tsiu kijüu bu puo perhuwa mo di balieyakezhamia zo.

Jakob 3:9

We süu se Niepuu mu u Puou thezieya tsiu we süu se Ukepenuopfü rhi nunu chükelie themia rei rüsetaya.

Pitor Kerieu 2:22

“Puo kephouma chü mo, mu puo tie nu mia kese puorei ngulie mo.”

Pitor Kerieu 3:18

Khrista rei u ze Ukepenuopfü ki volieketuo la, kemiatho-u bu miathokemoko sou chü, vapuochü di kephoumako la sia. Chüüphou tsa we puo pesiawata zo, derei ruopfütsa we chü perhei laliete,

Johan Kerieu 3:18

A nuonuoko, u pfhe u die nunu zomonyü mhatho mu ketho-u nunu huoniehuo khrielie khe.

Johan Kerieu 3:5

Puoe kephouma chü setatuoücü la mia mhingu chü vorcü nie si ba, mu puo gei kephouma puorei jü.

Johan Kerieu 3:7

A nuonuoko, mia puo bu rei nie sewa hiecie. Kehoupuorei puotouu chüyakezhamia puoe miathokecü tuoi sümia rei miatho zo.

Johan Kerieu 4:4

A nuonuoko, nieko Ukepenuopfü kinu vor zo, mu süko penyüliete, kekreilamonyü nie nou baketaue kijü nu kebau ki zhakuocü la.

Johan Kerieu 5:17

Mha puotou kemo kechü pete kephouma zo, derei siata kesü zo kemo kephouma rei nyi.

Johan Kerieu 5:21

Nhicuko, nieko terhuorhiko therhie zoliecie.

Johan Seu 1:4

A nuonuokoe ketho-u medzi di lhou tuoyakezha dze sikelie ki mha a kenei kekrei puorei jü.