Johan 8:55 - Angami Naga CL (Re-edited) Bible (BSI)

⁵⁵ nieko thuo puo si mo zo ürei, derei a puo si ba; a puo si mo üta ro, a rei nieko mhiei ketijümia puotatie! Derei a we puo si ba mu a puo die zeya.

Johan 8:55 Iomraidhean Croise

Jeremia 4:22

“Kekreilamonyü a themiako nyate, ukoe a si mo; ukoe kenya nuonuo, ukoe mhacamhala silieya mo. Ukoe kesuo kechütsa we chü si, derei mha kevi kechü do we si mo.”

Jeremia 9:3

Ukoe theü tuoi u meü kekhrelieya; ukoe kijüu nu kethotsa mo di, kesuo kechütsa meteilie; kekreilamonyü ukoe kesuo kechü sie chü tuoya, sidi uko a siya mo, Jihovae siya.

Hosea 5:4

Uko mhathoko u chüpie Kepenuopfü kitsa volie mo. Kekreilamonyü thethe kechü ruopfüu uko gei tuo, tsiu uko Jihova siya mo.

Mathi 11:27

A Puo thuo mha pete pie a dzie nu shüwate; mu Puou thuo zo kemosie miapuorei Nuou siya mo, sütuoi Nuou mu Nuou thuo süu thapie kieshüketuoko zo kemosie miapuorei Puou siya mo.

LUK THUKESHÜ DIELIEKEVI 10:22

A Puou thuo mha peteko khapie a dzie nu shüwate, Puou zo kemosie miapuorei Nuou supuo shi siya mo, sütuoi Nuou mu Nuo süu thuo thapie kiekeshüu zo kemosie miapuorei Puou supuo shi siya mo.”

Johan 1:18

Miapuorei mhakipuorei Ukepenuopfü ngu mo. Süu Ukepenuopfü Nuo pfuliu, puo Puo merü gei kebau thuo mia bu puo sikelie chükeshü zo.

Johan 10:15

a Puoe a si keba tuoi a rei a Puou si ba. Mu a we a kuoko la a phou khashütuoüzhie.

Johan 15:10

A a Puoe diekhakeshüko chülie di Puo kekhrie nu bakelie tuoi a diekhakeshüko nieko chüya ro nie rei a kekhrie nu balietuo.

Johan 15:21

Derei a za la uko nie gei mha hako pete chütuo, ukoe a ketsekeshüu siya kemo la.

Johan 16:3

Uko mha hako chütuo, ukoe Puou morei a si mocü la zo.

Johan 17:25

“Kemiatho Puou, kijüu we n siya mo, derei a we n si ba, mu no a ketseshü ükecü hako we si ba.

Johan 6:46

Ukepenuopfü kinu kevor-u rübei zo kemosie miapuorei Puou ngu mo; puoe Puou nguwate.

Johan 8:19

Süla uko sie puo ki, “N Puou kirapuo ba ga?” Jisu sie “Nieko we a rei morei a Puou rei siya mo. Nieko a sikecü sie a Puou rei silietuoweü,” sita.

Johan 8:29

Siro a ketsekeshüu rei a ze tuo zo; puo a bu a rübeitaya mo; a puo neiko chü seiyakezha la.”

Johan 8:44

Nieko sü nieko puou Satan kinu zo, mu nieko puo menguko chü nyüya. Sietsenu zorei puoe mia kedukhrimia zo, mu puo mhakipuorei ketho-u nu thaya mo, kekreilamonyü ketho-u puorei puo nou tuo mo. Puo ketijü pu rei süu puo zho zo, puo ketijümia mu kecürüko krüu zocü la.

Johan 8:51

A nieko ki pu toushütuo, kehoupuorei a die zekelieu mhakipuorei siatalie lho.”

Johan 8:52

Sitse uko sie puo ki, “Hie tsie we no terhuokesuo puo zeya ükecü si touliete! Abraham siate; mu siedzekesiko rei siate, sirei no pucü ‘A die zekelieu mhakipuorei siatalie lho’ ite.

Mhakechüko 17:23

A nieko ra tuo rühou kevo ki nieko rüsuoyakezhako meho tuo ru ruosuoba puo gei ‘Si kemo Rhuo puo la’ ikecü thupie keba ngulie. Niekoe si mo zorei rüsuoyakezha süu, a tsie pie nie ki puya.

Korintmiako Kenieu 4:6

Ukepenuopfü thuo pukecü, “Kezie bu kezei nu zieliecie,” ikeshü, süu Ukepenuopfü zayie kechüu mu mhasiu hie nou va pezielie di Jisu Khrista zie geinu thashüwate.

Johan Kerieu 1:6

Siro we puo ze kekrothoya üdi kezei nu tuoya ro, we medate mu ketho-u chüüzeya mo;

Johan Kerieu 2:22

Ketijüu sü supuo ga? Süu Jisu üse Khrista mo üdi puyakezhau zo. Sikecümia sü Khrista ngumvüu zo, sümia Puou mu Nuou rei melieya.

Johan Kerieu 2:4

Miapuonie, “A puo si,” idi pu, derei puo diekhakeshüko chüya moliro, süu ketijümia zo, mu sikecümia ketho-u puo nou ba mo;

Johan Kerieu 5:10

Kehoupuorei Ukepenuopfü Nuou pelekezhamia zhapu süu puo nou bata zo. Kehoupuorei Ukepenuopfü peleyakemomia Ukepenuopfü üse ketijüu chüwate; themia süu Ukepenuopfü puo Nuou dze zhapu chükeshüu pele motacü la.

Pesikeshü 3:9

A Satan sinagog nu u thuo u ü Judamia üya, derei mo, tijüyakezha zo, a uko bu vor n phi ki khoutou tsutuo, sitse ukoe a n khrieyakecü silietuo.