Johan 8:44 - Angami Naga CL (Re-edited) Bible (BSI)

⁴⁴ Nieko sü nieko puou Satan kinu zo, mu nieko puo menguko chü nyüya. Sietsenu zorei puoe mia kedukhrimia zo, mu puo mhakipuorei ketho-u nu thaya mo, kekreilamonyü ketho-u puorei puo nou tuo mo. Puo ketijü pu rei süu puo zho zo, puo ketijümia mu kecürüko krüu zocü la.

Johan 8:44 Iomraidhean Croise

Keriekitho 3:15

A thenupfü nnie bu kengumvütuo, puo yie mu n yie donu, puo n tsü bietshietuo, mu no puo phitshü medutuo.”

Kediko Kerieu 22:22

Ru Jihova sie puo ki, ‘Kedipuo mhie di ta?’ Siru puoe sie, ‘A tuopra di puo siedzekesiko tie nunu kemeda ruopfü chülietuo.’ Sitse Jihovae sie, ‘No puo hülietuo, tsiu kuo reilietuo; tuopraliecie, sidi süu chüliecie.’

Seyiedze Kerieu 21:1

Satan Israel ngumvü di David meshüpie puo bu Israel phrütuo üta.

JOB LESHÜDAU 1:11

Derei no tsie n dzie yhashücie, sidi puo vie peteko nyüshücie, sitse puoe n mhodzü nunu n rüpfhürüsetatuo.”

Mathi 12:34

Nieko prielepfü seyieko, nieko vi mo di kikidi mha kevi pulie vi ta? Kekreilamonyü u nou mha kekra bakecü la u tie bu pu parya.

Mathi 13:15

Kekreilamonyü themia hako melou rüvote, tsiu uko nyie kenyiebite, siro uko mhi rei mhimie tuote; mocü sie we uko mhi mha ngulie, mu uko nyie mhapfhe silie, tsiu uko nou pie puocapuola silie sidi rüreilie, sitse a uko chü keshürhoshütuomu ru,’ ikecü dieko uko geinu tseilieta zo.

Mathi 13:38

lieu sü kijüu, mu tsia keviko sü kedinuonuoko; zotshü tsiako sü kesuou nuonuoko zo;

Johan 6:70

Sitse Jisu sie uko ki, “A nieko mia kerekenie kedalie mo üme? Sirei nieko mia puo satan zo.”

Johan 7:17

Themia kehoupuorei Kepenuopfü medo chü nyüya ro, die hau Kepenuopfü kinu vor mo, a thuo a kinu pie par shi silietuo.

Johan 8:38

A a Puou kinu ngukelieko se puya, mu nieko rei Puou kinu sikelieko chü morosuo zo,” sishü.

Johan 8:41

Nieko we nie puonuo mhathoko chüya.” Sitse uko sie puo ki, “Hie tekhruonuo mo, hie hie puo puo ba, mu süu Ukepenuopfü zo.”

Johan 8:55

nieko thuo puo si mo zo ürei, derei a puo si ba; a puo si mo üta ro, a rei nieko mhiei ketijümia puotatie! Derei a we puo si ba mu a puo die zeya.

Mhakechüko 13:10

di sie, “No terhuokesuo nuou, kemiatho pete ngumvüu, kecürü neiü mu kerüzhü kheko se n tshukepfüu, no Niepuu cha kemezhüko chü kerüpfhikecü khawalie lho le?

Mhakechüko 24:9

Sitse Judako keze puo chü puo pejo di mha hako pete ketho zo üta.

Mhakechüko 5:3

Pitor sie, “Anania, no kiüdi Satan bu n nou tshupfü di lie ma huo pie bawa di Kemesa Ruopfü seya ga?

Korintmiako Kenieu 11:3

Derei thiedzü tinyhü puo do suo se di Iv sekewa tuoi nieko Khrista kitsatie nie nou mesamezhü tseiketuou chü perhukewa prei ba.

Pitor Kerieu 5:8

Pfheüla mu rhorhüipfü balie. Nie ngumvüdo-u Satan nie kehoupuorei tecülie keviu telietuo üdi ruorüi tuoyakezha losha tuoi nie pfhü whi tuoya zo.

Pitor Kenieu 2:4

Kekreilamonyü thiedzü teigeidieliemia kro puo phoumaketa ki Ukepenuopfü süko rei khrie mo zo di süko tepie mizie nu shüwa, mu ketsokecü teiu ketso la uko khapie kezei kesoutho nu phapie bawate;

Johan Kerieu 1:8

Mhanuü we phouma mo üdi puya ro, we u thuo u se tuoyakezha zo, mu ketho-u u nou ba mo.

Johan Kerieu 2:21

Nie ketho-u si mo üdi a thupie nieko ki shü mo; derei nieko süu siyakezha la mu ketijü puorei ketho-u nunu parya mo ücü sicü la.

Johan Kerieu 2:4

Miapuonie, “A puo si,” idi pu, derei puo diekhakeshüko chüya moliro, süu ketijümia zo, mu sikecümia ketho-u puo nou ba mo;

Johan Kerieu 3:12

We Kain, kesuou kinu vor di puo siezeu Abel dukhrikewau mhieta suo. Mu kiüdi puo dukhriwa ga? Puo mhatho-u kekrü mu puo siezeu mhatho-u puotouketa la zo.

Johan Kerieu 3:15

Kehoupuorei u siezedzürie ngumecüyakecü pete mia kedukhrimia zo, mu mia dukhriyakezhamia kechachie kerhei puo nou tuo mo zo.

Juda 1:6

Mu thiedzü teigeidieliemia kro puo u thau se balie mota, sidi u kelhouchü keviu khawaketako, puoe süko khapie kechachie kezeiu khrükhro nu phapie ketsokecü teisozha kezhau pfhe bate.

Pesikeshü 12:9

Siro tinyhü kezhau, kerieki tinyhüu, puo üse Terhuokesuou mu Satan üya, kijü pete seketsikezhau, puo kelhoupie kijü shüwa, puo sa di puo dielieko kelhouwa.

Pesikeshü 13:14

Sidi süu bu nhachüu sou nu zasiko chülieketuo khashüwa, sidi kijü nu lhouketuo pete se ketsi, sidi uko bu zhiecha geinu rüzalie rei rhei keba nhachüu kerhu nu puo miarhi puo chülienuta;

Pesikeshü 2:10

Kemezhiekecü n gei phirtuoü kebako la michie hiecie. Harie, nie kedoketuo la terhuokesuou nieko huomia tepie kedieki nu shütuo, mu nieko bu zha ker kemezhietuo. Kesia ketso rei dietho tha zolie, sitse a kerhei tsüre khashü n tsütuo.

Pesikeshü 21:8

Derei u melou kesuoko, kepele kejüko, rhuketako, mia kedukhriko, pierüüko, themouyakecüko, terhuorhi kerüsuoko, tsiu tijüyakezha pete lawe mi mu mitsie tu sei bayakezha mizieu zo, süusü kesia kenieu” isi.

Pesikeshü 22:15

Derei tefüko mu themouko siro pierüüko mu mia kedukhriko tsiu terhuorhi kerüsuoko, siro tijükecü mhatho chü u neikezha khe chazoutsa batuo.

Pesikeshü 9:11

Siro thekhe kesoutho nu dielieu bu uko mho kedi chüya; Ibri die nu puo za Abadon, mu Grik nu Apolyon üya.