Johan 8:32 - Angami Naga CL (Re-edited) Bible (BSI)

³² mu nieko ketho-u silietuo, sitse ketho-u thuo nie kha kerüüshüwatuo.”

Johan 8:32 Iomraidhean Croise

Chieliko 119:45

Mu a rükhra chü di tuotuo; a n thathadieko pfhükelie la.

Chieliko 25:5

N ketho-u nunu a cha thashücie, mu a pethaliecie, noe a kelakelie Kepenuopfücü la; a zhate n khremerü baya zo.

Mhasidie 1:23

A n kerhie di pethakeshü lecie, a kele rupie nie ki shüya, a dieko pie nie pesishütuo.

Mhasidie 1:29

Kekreilamonyü uko mhasi ngumecüte, tsiu Jihova khrüprei kedalie mote;

Mhasidie 4:18

Derei kemiathomia chae niakicha kemhie ziekruoi baya, teiso tseikecüu tsolietuoü zie miemiezhüya.

Isaya 2:3

Themia kekra vor di sie, “Vorlie, úko Jihova kijüthou gei kho khe, Jakob Kepenuopfü kiu nu; puo bu puo zhoko pie u pethashü mu u bu puo chako nu tuolieketuo la,” situo. Kekreilamonyü Zion nunu kepethakecü partuo, mu Jihova dieu Jerusalem nunu partuo.

Isaya 30:21

Siro nie rürei thezatsa morei thevitsa vaketa ki, nie nyie-e nie sietsa nu “Chau hau ho, hanu tuolie,” isi di kepu die puo situo.

Isaya 35:8

Sünu chaü puo batuo, mu süu pie Kemesa Chau üdi kietuo; mesa kemoko sügei rüve volie lho, derei sügei Ukepenuopfü themiako la zotuo; rüvemia puorei, kenyamia zorei sünu tuo kekrütalie lho.

Isaya 54:13

Jihova thuo n nuonuoko pete pethashütuo, mu n nuonuoko vi kehie philietuo.

Isaya 61:1

Niepuu Jihova ruopfüu a gei tuo, kekreilamonyü Jihovae a kenheliete; Puoe a bu dieliekevi se vo mia u peseketuoko ki punu, u melou pro tuoketako phashünu, u phreikeshü dieu pie kedieko pesinu, mu kedieko khashüwaketa die pushünu,

Jeremia 6:16

Jihovae puya: Nieko chadzako nu tha di, mehoshücie, sidi thiedzü chako ketsocie, cha kevi kezhüra; sidi sünu tuo volie, sitse nie ruopfü la kerülei ngulietuo. Derei ukoe sie, “Hie sünu tuo lho,” sita.

Hosea 6:3

Úko silie khe, úko Jihova silietuoü whuo zo vo khe; puo kengue teiso pi kepar mhie zo; puoe teirü tuoi u ki vortuo, bayie teirü tsur kijü tshekeshü mhieituo.”

Levimiako 25:41

süsie puoe n kinu tuotatuo, puo mu puo nuonuo sa, di puo thuo puo kikru nu la votatuo, di puoe puo vieko pevie lalietuo.

Malaki 4:2

Derei nie a za rhuyakezhako gei kemiatho niaki shü geinu keshürho ze di sietatuo. Nieko mithubou nu mithunuo prou ketha tuoi di nieko prou pratatuo.

Mathi 11:29

Nieko a vocie pfülie, mu a kinu mhasilie; kekreilamonyü a zho vi mu a nou ko mocü la; silie liro nieko nie nou kerülei ngulietuo.

Johan 1:14

Siro Dieu chüüphou mevi vor hie donu lhou, mu hie puo zayieu, ngukemezhie mu ketho bu tshukepfü, puo nuo pfuliu zo ükecü zayieu ngu.

Johan 1:17

Mosa geinu thezho-u khashü; derei ngukemezhie mu ketho-u we Jisu Khrista geinu zo.

Johan 14:6

Jisu sie puo ki, “A chau, ketho-u mu kerheiu zo. A geinu zo kemosie miapuorei Puou ki vorlieya mo.

Johan 16:13

Sirei ketho Ruopfüu vorkelie ki puo thuo nieko cha thapie ketho ükecü khe nu shülietuo; puoe puo thuo puo kele nu mha pu monyü puoe rünyükelieko pie putuocü la, mu puoe thiesie mhachü vorketuoko pupie nie kie zotuo.

Johan 17:17

Ketho-u se uko chü kemesaliecie, n dieu ketho zo.

Johan 6:45

Siro ‘Ukepenuopfü thuo uko pethalietuo,’ isikecü siedzekesi leshüko nu tuo zo. Kehoupuorei Puou die rünyülie di süu sikeliemia a ki vorya.

Johan 7:17

Themia kehoupuorei Kepenuopfü medo chü nyüya ro, die hau Kepenuopfü kinu vor mo, a thuo a kinu pie par shi silietuo.

Johan 8:36

Süla mhanuü Nuou nie kha kerüüshüwata üro, nie phreishüwaketamia kethota zo.

Rommiako 6:22

Derei nie tsie we kephouma cie pralie di Ukepenuopfü diemia chüte, süu siue nie chü kemesalie. Süu thelae kechachie kerhei.

Rommiako 8:15

Siro nie michie laketuo die kechü ruopfü ngulie monyü, nieko peviepie puo nuo chükelie ruopfü nguliete, süla we “Abba, a Puo” idi kiekeshü ki,

Rommiako 8:2

Kekreilamonyü Khrista Jisu nu kelhou kerhei Ruopfü zho-u thuo kephouma mu kesia nunu a shüphraliete.

Korintmiako Kerieu 7:22

Kekreilamonyü kehoupuorei thiedzü miadie chütuo di puo kiepie Niepuu kitsa shükelieu, themia süu Niepuu kitsa puo kekha kejümiata zo, sütuoi kehoupuorei miadie chü mo tuo di puo kiekelieu, puo Khrista die chüta zo.

Galatiako 5:1

Kekreilamonyü u bu miadie chü motuo üdi Khrista u phaphreishüwate. Süla metei thalie mu nie kha lapie kedie vocie nu shü hie.

Galatiako 5:13

A zenuoko, miadie chü motuo ücü la nie kieliete; derei u medo kechü hau se di chüüphou mengu nu vota hie, sikecüumonyü kekhrieu se di nie huoniehuo lie chüliecie.

Timothi Kenieu 3:7

süko mia bu u petha sei tuoya, derei mhakipuorei ketho-u silieketuo nu tuoya mo.

Jakob 1:25

Derei vi tseikecü zho-u, u shüphrakeshü zho-u, meho sei balieyakecümia, rünyüshü di rükra mo latakecüu monyü chüüzelieya, süko u mhatho nu rei thejapfütuo.

Jakob 2:12

Süla u shüphrakeshü zho-u bu u capi chüketuo le di die pu mu mhachü zoliecie.

Pitor Kerieu 2:16

Ukepenuopfü kituomia tuoi nie phreishüketamia mhie di lhoulie, sirei nie phreikeshü süu se mha kesuo kechüu whewa hie.

Johan Kenieu 1:1

Phichüu kinu thupie kedakeliepfü mu puo nuonuoko, ae ketho-u nunu khrieyakezhako ki shüya, mu a rübei zomonyü, ketho-u siyakezha pete rei nieko khrieya;