Johan 8:29 - Angami Naga CL (Re-edited) Bible (BSI)

²⁹ Siro a ketsekeshüu rei a ze tuo zo; puo a bu a rübeitaya mo; a puo neiko chü seiyakezha la.”

Johan 8:29 Iomraidhean Croise

Isaya 42:1

Harie, a kituou sü, a mengupie kethau sü, a kedakelieu, a ruopfü puo ngu puo neiyakecüu, a a ruopfü pie puo gei shüwate; puoe kemezhüu se vor seyieko tsütuo.

Isaya 42:21

Jihovae puo kemiatho-u la, puo kepethadie bie pezha mu süu bie kemeyiekeshü puo neilie.

Isaya 42:6

Ae Jihova, kemiatho nu a thuo n kielie, a n dzie teshülie di n se bate; ae n khapie pfhekho puo chü di themiako tsüwate, seyieko la kezie puo chü di,

Mathi 17:5

Siro puo die pu thaluocü nu, kimhou ziekruoikecü puo shü mhai vor uko zepfülieta, tsiu kimhou geinu harie mhapfhe puo, “Hauha a Nuo a Khrietho-u zo, a puo ngu a neithoyakezhau, nieko puo die rünyüliecie,” isi vor.

Mathi 3:15

Sirei Jisu sie puo ki, “Tsieu va sishücie; kekreilamonyü kemiatho zho pete chü tseishüketuoe u bu chü kezhüu chülie ro puotou zokecü la.” Süla Johan rei chüshütuo üta.

Mathi 3:17

Sitse teigei nu mhapfhe puo sie, “Hau a Nuo, a kekhrietho-u, a puo ngu a neithor zo,” isi.

Johan 14:31

derei a a Puou diekhakeshü kemhie chüya, kijüu bu a Puou khrieyacü silieketuo la. Úko sie di tuoshüta khe.

Johan 15:10

A a Puoe diekhakeshüko chülie di Puo kekhrie nu bakelie tuoi a diekhakeshüko nieko chüya ro nie rei a kekhrie nu balietuo.

Johan 16:32

Puotei puo vorzhie mu tsie rei vor bata zo, sükisü nieko ta cürese nie thuo nie kinu vo phretatuo di a bu a rübeitatuo. Derei a a rübeitalie lho, Puou a ze ketuo la.

Johan 17:4

No a bu chünukeshü mhatho-u chü tseiwa di a kijü nu n za chü kemeyieshüwata zo.

Johan 4:34

Derei Jisu uko ki, “A kecücae a ketsekeshüu medo chüketuo mu puo mhatho chü tseiketuou zo.

Johan 5:30

“A a thuo zowe a medo nu mhapuorei chülie kenjü. A sikelie kemhie se mia capi chüya, mu a mia capi kechüu puotou zo, kekreilamonyü a a thuo a medo chütuoü monyü a ketsekeshüu neiu chütuo üya.

Johan 6:38

kekreilamonyü a teigei nu vorkecü a thuo a medo chütuo üdi monyü a ketsekeshüu medo-u chüketuo la kevor zo.

Johan 8:16

Mhanuü a mia capi chü zorei, a mia capi kechü puotou zo, sünu a rübei monyü a ketsekeshü a Puou rei tuokecü la.

Timothi Kenieu 4:17

Derei Niepuu thuo a ze tha di kekuo khapie a tsü, sidi a bu dieu pu tseipie Judakemoko pete bu rei rünyülie. Sidi losha me nunu rei a kelashü.

Timothi Kenieu 4:22

Niepuu bu n ruopfü ze tuolie. Ngukemezhie bu n ze tuoliecie.

Ibriko 4:15

Kekreilamonyü we u kethachüko silie kelho zievokezhatho-u puo monyü puo zorei u kemhie di dophi kehoupuorei dzükelie puo bate, puo zowe kephouma puorei jü.

Ibriko 7:26

Kekreilamonyü we zievokezhatho haikecü se morosuo tuoya, puoe mesa, pejolie lho, rhuta mo, kephoumamia kinu kelakreilie di teiko ki rei rükriekuo.

Johan Kerieu 2:1

A nuonuoko, nie bu phouma molieketuo la a hako thupie nieko ki shüya. Derei huomia phoumata üro, u la Puou ki zhapu chü kethamia puo ba, süu kemiatho-u Jisu Khrista zo;

Johan Kerieu 3:22

mu we puo ki mhakehoupuo cha rei ngulieya, we puo diekhakeshüko mu puo neiko chüüzeyacü la.