Johan 8:28 - Angami Naga CL (Re-edited) Bible (BSI)

²⁸ Süla puo sie uko ki, “Nieko Themia Nuou pie kesie ki, a süu zokecü, mu a a thuo a medo nunu mhapuorei chüya mo, derei Puou a pethakeshü tuoi a süko se puya ükecü nieko silietuo,

Johan 8:28 Iomraidhean Croise

Toukepra 3:14

Ukepenuopfüe Mosa ki, “A SÜ A ZO,” siro puoe sie, “Hau pie Israelmiako ki pushülie, ‘A ZO cüu thuo a ketsepie nieko ki shü ho!’ ”

Mathi 24:5

Kekreilamonyü themia kekra a za se vor di, ‘A Khristau zowe!’ idi themia kekra se zetatuo.

Mark 13:6

Mia kekra a za se vor di, ‘A süu zowe!’ idi mia kekra se zetatuo.

LUK THUKESHÜ DIELIEKEVI 21:8

Sitse puo sie, “Nieko mia bu nie sewa molieketuo la nie kirei tuoliecie, kekreilamonyü themia kekra a za se, ‘A puo zowe!’ tsiu ‘Puoteiu sü vorte!’ isi vortuo. Siürei süko medzita hie.

Johan 11:42

No a pfhe rünyü seiyakecü ae si, derei haki ketha krodiu bu noe a ketsekeshü pelelieketuo la a hau kepu zo.”

Johan 13:19

Süu chüketa mhodzü a tsie nie ki puya; sitse süu chüketa ki, a süu zokecü nie bu pelelieketuo la.

Johan 16:10

kemiatho dze süu a Puou ki votaketuo mu nieko a ngu sa motaketuo la;

Johan 18:32

(Mha hau chüketa Jisue puo kedipuo se chü di siatuo shi di pukeshüu bu tseilieketuo la zo.)

Johan 19:18

Sükinu uko puo gouwa, Jisu bu metsuo mu puo khie lutsahatsa mia kenie sa puo ze gou.

Johan 3:11

“A n ki pu toushütuo, hie si kebau puya mu hie kenguu dze zhapu chüya; sirei nieko miapuorei hie zhapuu lielieya mo.

Johan 3:14

Thiedzü Mosae rayha nunu tinyhü pie kesie tuoi, Themia Nuou rei mia bu puo piesie morosuo,

Johan 4:26

Jisu sie, “A n ze kerüchü kethau süu zo.”

Johan 5:19

Süla Jisu uko ki, “A nieko ki ketho-u puya; Nuou puo thuo zowe mhapuorei chülie kenjü; puoe puo Puou kedipuo chü ba ngu shiü süu rübei chüya; Puou kedipuo chüya shi, Nuou rei sükemhieko chüyacü la.

Johan 5:30

“A a thuo zowe a medo nu mhapuorei chülie kenjü. A sikelie kemhie se mia capi chüya, mu a mia capi kechüu puotou zo, kekreilamonyü a a thuo a medo chütuoü monyü a ketsekeshüu neiu chütuo üya.

Johan 6:38

kekreilamonyü a teigei nu vorkecü a thuo a medo chütuo üdi monyü a ketsekeshüu medo-u chüketuo la kevor zo.

Johan 8:24

Süla a nieko nie kephouma nunu siataketuo pushüwate, süla nieko ae süu zo ükecü pelelie kemosie nieko nie kephouma nunu siata zotuo.”

Johan 8:27

Ukoe puo uko ki Puou dze pie pu ketha cau silie mota.

Johan 8:58

Jisu sie uko ki, “A nieko ki pu toushütuo, Abraham mhodzü a tuo zo.”

Mhakechüko 2:41

Süla puo die u neikelie khe dzülupfülie, sidi sünhie mia nyie se mese uko salie.

Mhakechüko 4:4

Derei dieu kesiko themia kekra pelelie; sidi süko le kesie nyie pengou mese.

Rommiako 1:4

mu ruopfü kitsa kemesa lesie ro kekuo geinu Ukepenuopfü Nuou zo ükecü kesia nunu rheilasiekelieu geinu thashü, u Niepuu Jisu Khrista

Pulakeshüzho 18:18

Ae uko donunu, siedzekesimia n tuoicü pesieshü uko tsütuo, di a dieko pie puotie nu shütuo; sidi puoe a diekhakeshüko pete pie uko ki putuo.