Johan 8:17 - Angami Naga CL (Re-edited) Bible (BSI)

¹⁷ Sizomonyü nie zho-u nu rei mia kenie zhapu we ketho zo ükecü thupie tuo.

Johan 8:17 Iomraidhean Croise

Kediko Kerieu 21:10

Siro themia kesuo kenie kedapie puo petsou pie balie, sidi unie bu puo pejo di sie, ‘Noe Kepenuopfü mu kediu rüsekecü die pute’ siliecie. Süsie puo toupie casie pra di ketsie pie puo vakhriwalie.”

Nuolhoutsüphrü 35:30

Mhanuü mia puoe mia dukhriwa, mu mia keniekese tie nunu dukhrikewa zhapu ngulie ro puo pie kesia nu shü zotuo, derei zhapu puo rübei la we, mia puo bu rei sialie lho.

Mathi 18:16

Derei puo n die rünyü mvüta ro, no mia puo morei kenie ze sa vocie, mia keniekese tie se zhapu chü liro die kehoupuorei mvü kemeteilietuo.

Johan 10:34

Jisu sie uko ki, “Nieko zho-u nu thupie kezhü, ‘A puya, nieko terhuomia zo,’ isi mo me?

Johan 15:25

Süu thiedzü uko zho-u nu, ‘Uko puoca kejü nu a ngumecüte,’ idi thupie kezhü dieu bu tseilieketuo la zo.

Korintmiako Kenieu 13:1

A nieko ki vortuo ükezhü hau va seute. “Mia kepejo kehoupuorei mia kenie morei se zhapu se morosuo.”

Galatiako 3:24

Sidi kepele geinu u bu miatholieketuo la, Khrista kevor mhodzü thezho-u bu u kepethau chü vor.

Galatiako 4:21

Nieko thezho-u khrükhro tuo nyüyakezhako a ki pushücie, nie thezho-u rünyüshü lho me?

Pulakeshüzho 17:6

Mia keniekese zhapuu die nunu siaketuou bu siatuo; mia puo rübei zhapu die nunu mia puo bu rei sialie lho.

Pulakeshüzho 19:15

Mia puo kejo chüwa morei kephouma tho chükewa ki zhapu puo rübei we tso mo, zhapu keniekese tie nunu kejo thotuo.

Ibriko 10:28

Kehoupuorei Mosa zho-u ze mota ro “Zhapumia keniekese die geinu” puo ngumezhie moto zo di pesiawaya.

Johan Kerieu 5:9

We themia zhapu rei lieya ro, Ukepenuopfü zhapuu we süki zhakuo; kekreilamonyü Ukepenuopfüe puo Nuou dze zhapu kechü süusü puo zhapuu zocü la.

Pesikeshü 11:3

Ae gakhropfhe dziekecü a zhapumia kenie ketseshü di sünie bu zha nyie puo krie kenie di hiesorou siedzedie puketuo kekuo khashütuo.”