Johan 7:7 - Angami Naga CL (Re-edited) Bible (BSI)

⁷ Kijüu zo we nieko mecülie lho, derei a mecüya, kekreilamonyü a süu mhatho kesuoko puyakezha la.

Johan 7:7 Iomraidhean Croise

Kediko Kerieu 21:20

Ahab-e sie Elija ki, “Harie a ngumvüu, no a nguliete ha?” Sitse puoe puo die kela di sie, “A n nguliete, kekreilamonyü noe n thuo n zepie Jihova mhodzüki mha kesuo shüüko chütuoü tuote eru.

Kediko Kerieu 22:8

Siru Israel kediue sie Jehoshafat ki, “Tsie rei mia puo baluo, Imla nuou Mikaia, puo kinu Jihova ketsolie rei vi, derei a puo ngumecüya; kekreilamonyü puoe a dze siedzedie kevi puya mo, derei kesuou puya.” Sitse Jehoshafat-e sie, “Kediu bu sita hiecie.”

Chieliko 109:5

A mha kevi chükeshü sou mha kesuo pie a tsü, mu a uko khriekeshü la ngukemecü pie a zhakhra chü.

Mhasidie 15:12

Mia krekenyümiae ruokeshüu puo neiya mo; puoe kesimia ki rei volie lho.

Mhasidie 8:36

Derei a petsouyakezhamia puo thuo puo ruopfü pekawaya, a ngumecüyakezhamia pete kesia khrieya zo.”

Isaya 29:21

Mia mezhü kewhi pejükezhamia, thecamia la kebie pethoukezhako, tsiu kemethuo nu kemezhümia mezhü pejükezhamia rei.

Isaya 49:7

Jihova, Israel Rhakelieu mu puo Kemesau, seyieko puo kemecüu, puo rütse phikecüu, mha kekhakezhako thekeu ki puya; “Jihova, kedietho-u, Israel Kemesau, nie kedakelieu la, kedikoe ngu di siethalietuo, kedinuoko rei u thuo rünuotsu n kelutuo.”

Jeremia 20:8

Kekreilamonyü a die pukeshü ki, a shieshü morosuo, a shie peto di, “Mha kebvükecü mu kepeka!” ishü morosuo. Kekreilamonyü zhate Jihova dieu a kerhie tsiu a krenyü bate.

Levimiako 13:10

Mu zievo-ue puo mehotuo di puozhüu gei kerümie puochüu nu kekra bata di puomieko rei kra bata ro, tsiu kerümieu nu chüra chü ba ro,

Zekaria 11:8

Siro thekhrü puo nu ae kuopfhemia se khawata; kekreilamonyü a uko gei shügeshühielie kenjüta, mu uko rei a mecüta.

Malaki 3:5

Sitse a dienya kecüketuo la nie penuo vortuo; a themoumia petsoukecü, pieü kechümia petsoukecü, tijü di rüsekecümia petsoukecü, zhakhrü ze mhachü di mia zhakra peseyakecümia, samimiapfü mu merünuomia, chazoumia mezhü pejücümia, mu a preiya kemomia petsoutuoü mhai vor zhapu khashütuo, krodiko Jihovae siya.

LUK THUKESHÜ DIELIEKEVI 6:26

“Themia pete nie pu peviyakezhako we ce, chülietie, kekreilamonyü uko puonuoko rei ketijü siedzekesiko gei sükemhie chü vor zocü la.

Johan 17:14

A n dieu se uko tsüwate, mu kijüu uko ngumecüya kekreilamonyü a kijüu nunu vor kemo tuoi uko rei kijüu nu mia mocü la.

Johan 3:19

Siro kepejo die süu, kezieu kijü nu vor, derei themiako kezieu ki rei kezeiu khriekuota, uko mhatho mezhü moketa la.

Rommiako 8:7

Haha la u nou se chüüphouu kitsa tuoketae Ukepenuopfü ngumvü zo; süu Ukepenuopfü zho-u khrükhro baya mo; mu ba reilie lho zo,

Galatiako 4:16

A tsie ketho-u nie ki pukeshü la nieko ngumvümia chüte me?

Jakob 4:4

Harie, pieümiako! Kijü hau ze khrietho kechüe Ukepenuopfü ngumvü zo ükecü nieko si mo me? Süla kehoupuorei kijü hau ze khrietho chü ro puo Ukepenuopfü ngumvümia zo.

Johan Kerieu 4:5

Sükoe kijü nunu vor; süla uko kepukoe kijü nu dzeko puya, mu kijüu rei uko pfhe rünyüya.