Johan 7:32 - Angami Naga CL (Re-edited) Bible (BSI)

³² Farisikoe mia krodiu puo dze süko kepu ketha silieta, süla zievokezhako mu Farisiko puo telienu di mia ketseshü.

Johan 7:32 Iomraidhean Croise

Mathi 12:14

Derei Farisiko pra di kikemhie di puo biewatuo shiü rhüta.

Mathi 23:13

“Derei nieko ketherakezhako, Farisiko mu thezhokepethako we ce, chülietie! Nieko mia bu teigei kedi nu leketuo khawayacü la. Mu nie thuo rei leya mo, tsiu sünu letuo ükezhümia rei khawaya.

Mathi 26:58

Siro Pitor puo tso penuo mo di puo siemedzi zo zievokezhatho-u kifükhro ketso vo, tsiu puo thela nu kedipuo chütatuo shicüko mehotuoü le kepfhemiako ze balie.

Johan 11:46

Derei süko huo Farisiko ki vo di Jisue kedipuo chüshü shicü pushü.

Johan 12:19

Süla Farisiko sie huoniehuo ki, “Nie mhapuorei chülie kenjüte. Lere-i, kijüu puo siemedzi tuote,” sita.

Johan 18:3

Süla Judas-e zievokezhako mu Farisikoe ketsekeshü rüpfhünuo mu thenamia, u rünyie kesepfü, mibou mu mitu pie ketuo kro puo ze sünu vorta.

Johan 7:30

Sitse uko puo telietuoü sieta, derei miapuorei u dzie se puo gei shü mo, kekreilamonyü puo teiu vor moluocü la.

Mhakechüko 5:26

Süla kezhau rüsuoki thenako zelie di uko pechüwa mo di ze vor, ukoe mia bu ketsie pie uko vakecü preiketa la.

Samuel Kerieu 19:20

Süla puoe David telietuo üdi puo themia ketseshü. Derei ukoe siedzekesi kro puo Samuel bu krüta chü di siedzedie pu ketha ngushü tse, Ukepenuopfü Ruopfüu Saul themiako gei rei vorta, sidi uko rei siedzedie puta.