Johan 7:3 - Angami Naga CL (Re-edited) Bible (BSI)

³ Süla puo siezeko puo ki, “Noe pethakelieko bu rei no chüyakezha mhathoko ngulieketuo la no thechü hanunu tuo Judia nu vocie.

Johan 7:3 Iomraidhean Croise

Keriekitho 37:20

Khe, úko puo dukhriwa di puo kelhoupie khehoko puo nu shüwatuo, sidi nhachü puo zho kesuo puoe puo tecülieta üwatuo; sidi úko puo mhoko kimhie vortuo shicü mehotuo.”

Jeremia 12:6

Kekreilamonyü n siezedzürieko mu n kinuko zorei, ukoe n gei kelhie; ukoe krodi chü n siewhuo; uko n ki die kevi pu zorei, uko pele hiecie.

Mathi 12:46

Siro puo themiako ki mha pu tha zoluocü nu, puo zuo mu puo siezedzürieko puo ze kerüchütuoü puo pfhü vor kitie thata.

Mark 3:21

Siro puo kikruko sü sishü di puo kekhawatuoü vo, kekreilamonyü themiakoe “Puo nyata zo,” idi puketa la.

Mark 3:31

Sitse puo zuo mu puo siezeko vor kitie thalie, sidi uko mia ketsepie puo kie.

LUK THUKESHÜ DIELIEKEVI 8:19

Süsie Jisu-nuo zuo mu puo siezeko puo ki vor, derei themia krathorketa la puo ki lelie suota.

LUK THUKESHÜ DIELIEKEVI 8:20

Sitse mia puo ki, “N zuo mu n siezeko kitie vor thalie, uko n ze keseshü nyüya.”

Johan 2:2

Siro nuyie sünu Jisu mu puoe pethakelieko rei sa kie.

Johan 6:60

Puoe pethakelieko kekra die hau si di, “Die hau die kere puota zo, supuonie süu rünyülie vi ta?” ita.

Johan 6:66

Hau la puoe pethakelieko kekra pesie lata mu puo ze tuo sa mota.

Johan 7:10

Puo siezeko thenyiu nu voketa sie nu Jisu rei la vo, derei puo mechü mhingu chü zo mo di rüshücü mhie di vo.

Johan 7:4

Miapuorei meyielie nyü ro rüshü di mhapuorei chüya mocü la. No mha hako chüya eru kijüu bu n siliecie.”

Johan 7:5

(Kekreilamonyü puo siezeko zorei puo pelelie mokecü la.)

Mhakechüko 2:14

Derei Pitor kerepuokrüko ze siethalie di die pu puo rhiechü themiako ki, “Judiamiako mu Jerusalem nu kebako, nie hau siliecie, mu a kepuko rünyülie.

Samuel Kerieu 17:28

Süki puo dzürie phichütho-u Eliab-e puoe themiako ze kerüchü ketha sishü, sitse puoe David gei puo nou meyiethorta di sie, “Kedipuo ca la no hanu tsur ga? Tekuokoyo pie rayha nu suomia peleshüwa ga? No kemiako mu n nou kemharhükecü a si ba, no terhükegeikecü mehotuoü tsurcü ze.”