Johan 7:27 - Angami Naga CL (Re-edited) Bible (BSI)

²⁷ Kehouchürei we zowe themia hau kirapuo nu vor shicü si ba; derei Khrista kevor ki, miapuorei puo kirapuo nu vor shicü silie lho.”

Johan 7:27 Iomraidhean Croise

Isaya 11:1

Jese mvü nunu puo nuothe puo partuo, mu puo mieko nunu puoco puo lhou partuo.

Isaya 53:8

Kethocau bie kethotsüwa di puo zeta. Supuonie puo gei kiütatuo shicü lelie vi ta? Kekreilamonyü kerheiko kijüu nunu puo dawa, mu a themiako kejo la puo vüwate.

Jeremia 23:5

Teisozhako vor touzhie, Jihovae siya, sükisü ae kemiatho co puo pie David tsütuo, tsiu puoe kedimia puo chü dituo sidi mha puotouu chütuo, siro kijü gei kethoca mu kemezhüu chüshütuo.

Jeremia 30:21

Siro uko donu mia puo thuo uko kediu chülietuo, uko donunu uko kekhakezhau siertuo; ae puo ze penuo vortuo, mu puoe a ki vortuo, kekreilamonyü puo thuo a ki vor nyükelie hau supuo ga? Jihovae siya.

Mika 5:2

Derei no, he-i, Bethlehem Efratha, noe Juda chienuoko donu kecütho puo shierei, n geinu a la Israel kekhaketuou partuo, puo thiedzütho nu tuote, kerietho ki nu tuote.

Mark 6:3

Hauha sei mistiri, Maria nuou mo me? siro Jakob mu Joses tsiu Juda mu Simon-nuoko dzürieu mo me? Siro puo üpfünuoko rei u ze haki lhou ba mo üme?” Sidi uko puo gei u nei mota.

LUK THUKESHÜ DIELIEKEVI 4:22

Sitse uko pete rei puo pu pevita mu puo tie nu kepar mia ngukemezhie dieko la uko ngo phreta, sidi uko sie, “Themia hau Josef nuou zo mo me?”

Johan 6:42

Süla uko sie, “Themia hau, Josef nuou, hie puo puo mu puo zuo kesiu Jisu mo me? Siüro puo tsie kiüdi, ‘A teigei nu kerwe,’ ikecü puya ga?”

Johan 7:15

Sitse Judako uko ngo di sie, “Themia hau mhakipuorei pethapfülie mo ze, kikidi mhasipie hilie ga?”

Johan 9:29

Ukepenuopfü Mosa ki mha pukeshü hie si ba, derei themia hau la we puo kirapuo nu vor shi hie si mo,” sita.

Mhakechüko 8:33

Puo zhase di thecau chüpie puo tsü mote. Supuonie puo seyieko dze pu kekralie ta? Kekreilamonyü kijü hanunu puo kelhou chüsete.”