Johan 7:17 - Angami Naga CL (Re-edited) Bible (BSI)

¹⁷ Themia kehoupuorei Kepenuopfü medo chü nyüya ro, die hau Kepenuopfü kinu vor mo, a thuo a kinu pie par shi silietuo.

Johan 7:17 Iomraidhean Croise

Chieliko 119:10

A a melou pete se n pfhü; a bu n diekhakeshüko nunu rütsita hiecü mu!

Chieliko 25:12

Supuonie Jihova preiya ga? Puoe süko bu keda kezhü chau pie uko pethashütuo.

Chieliko 25:14

Jihova ze khrietho kechüe, puo khrükepreimiaya, mu puoe uko bu puo dietseidiekho-u silieya.

Mhasidie 28:5

Themia kesuokoe kethocau silieya mo, derei Jihova pfhüyakezhamiae mha pete siya.

Mhasidie 3:32

kekreilamonyü Jihova mhodzüki kerüpfhimia sü kerütsekecü la, derei kemezhümia gei puo kethepfu baya.

Isaya 35:8

Sünu chaü puo batuo, mu süu pie Kemesa Chau üdi kietuo; mesa kemoko sügei rüve volie lho, derei sügei Ukepenuopfü themiako la zotuo; rüvemia puorei, kenyamia zorei sünu tuo kekrütalie lho.

Daniel 12:10

Themia kekra chü kemesa, khrüwa, chü pevilietuo, derei kerüzhüko we rüzhü ba zotuo. Kerüzhüko miapuorei puocapuola silie lho, derei mhakesimia we puocapuola silietuo.

Hosea 6:3

Úko silie khe, úko Jihova silietuoü whuo zo vo khe; puo kengue teiso pi kepar mhie zo; puoe teirü tuoi u ki vortuo, bayie teirü tsur kijü tshekeshü mhieituo.”

Mika 4:2

mu seyie kekra vor di sie, “Vorlie, úko Jihova kijüthou gei mu Jakob Kepenuopfü kiu nu vo khe; sitse puoe puo chako pie u pethashütuo, sidi u bu puo chako nu tuo volietuo.” Kekreilamonyü Zion nunu pethakecü partuo, tsiu Jerusalem nunu Jihova dieu partuo.

Malaki 4:2

Derei nie a za rhuyakezhako gei kemiatho niaki shü geinu keshürho ze di sietatuo. Nieko mithubou nu mithunuo prou ketha tuoi di nieko prou pratatuo.

Mathi 6:22

“Umo mitu sü umhi zo. Süla nie mhi vi ba ro nie mo pete ziepoui batuo.

LUK THUKESHÜ DIELIEKEVI 8:15

Siro kijü kevi nu tsukelieko we dieu rünyülie di u nou dietho tsiu mezhü mu u shüshüta mo di süu se zo tha u si vükelieko zo.

Johan 3:21

Derei ketho chüyakezha kehoupuorei u mhathoko Ukepenuopfü la chülie zo ücü pie pekieshüketuo la kezieu ki vorya.”

Johan 8:43

Nieko kiüdi a kepuu silie mo ga? Süu nieko a die rünyü kemvü la zo.

Johan 8:44

Nieko sü nieko puou Satan kinu zo, mu nieko puo menguko chü nyüya. Sietsenu zorei puoe mia kedukhrimia zo, mu puo mhakipuorei ketho-u nu thaya mo, kekreilamonyü ketho-u puorei puo nou tuo mo. Puo ketijü pu rei süu puo zho zo, puo ketijümia mu kecürüko krüu zocü la.

Johan 8:47

Kepenuopfü kinu kevormia kehoupuorei Kepenuopfü dieko rünyüya. Sirei nieko Ukepenuopfü kinu vor kemo la süko rünyüya mo.

Mhakechüko 17:11

Hanu keba Judako Thesalonika nu kebako ki u nou mezhükuo, kekreilamonyü ukoe u nei siei di dieu lielie mu die süko puotou mo mo shiü silieketuo la teisonhie kethodieko pfhü phrüya.