Johan 6:71 - Angami Naga CL (Re-edited) Bible (BSI)

⁷¹ Puo Simon Iskariot nuou Judas, kerekenieko donu mia puo, puo teshütuoü kebau dze kepu zo.

Johan 6:71 Iomraidhean Croise

Chieliko 41:9

A khrietho, a puo pele kevor-u, a niekhrüda kecüu zorei, puo phitshü pie a petsoute.

Mathi 10:2

Siro apostel kerekenieko za hako: kerieu, Pitor ükezha Simon mu puo siezeu Andria, Zebedi nuo Jakob mu puo siezeu Johan,

Mathi 10:4

Kananmia Simon, mu Jisu tekeshü Judas Iskariot rei sa.

Mark 14:10

Süsie Iskariot Judas, kerekenieko donu mia puo, Jisu tepie uko tsükeshü le di zievokezhako ki vo.

Johan 12:4

Derei puoe pethakelieko mia puo (puo sewatuoükebau) Judas Iskariot sie,

Johan 13:2

Satan-e Judas Iskariot, Simon nuou bu puo sewaketuo keleu se puo nou shüwata, mu mhacü keba ki,

Johan 13:26

Süla Jisu sie, “A niekhrüda huoyo petselie di pie puo tsüshüketuou sü puo zo ho.” Sidi puo niekhrüda huoyo chüpie petselie di süyo khapie Simon Iskariot nuou Judas tsüshü.

Johan 2:2

Siro nuyie sünu Jisu mu puoe pethakelieko rei sa kie.

Johan 20:24

Derei Jisu uko ki kevor ki Thoma (Nuobi ükezhau) kerekenieko mia puo uko ze ba mo.

Johan 6:64

Derei nieko huomia peleya mo.” Jisue sietsenu puo pele kemvüko suomia shi mu puo tepie mia dzie nu shüketuou supuo shicü si tuota zocü la.

Johan 6:70

Sitse Jisu sie uko ki, “A nieko mia kerekenie kedalie mo üme? Sirei nieko mia puo satan zo.”

Mhakechüko 2:23

themia hau, Ukepenuopfü thuo rhüse ketuo mhie mu puo pedzü si tou di, puo khapie nieko dzie nu shüwa, nieko thuo thezho sanyüyakemomia bu puo gouwa, mu puo dukhriwa.

Juda 1:4

Kekreilamonyü ketho leya kemo huo gou u donu lerketa la, süko Ukepenuopfü kinu kepar ngukemezhieu bie kedipie kerüyo nu shüwate, tsiu süko u Niepuu mu u mhokezha puo rübei zokecüu Jisu Khrista phra mvüya, thiedzütho nu süko pejoketuo thupie tuote.