Johan 6:66 - Angami Naga CL (Re-edited) Bible (BSI)

⁶⁶ Hau la puoe pethakelieko kekra pesie lata mu puo ze tuo sa mota.

Johan 6:66 Iomraidhean Croise

Zefania 1:6

Jihova siekemedzi nunu rüreiketako, Jihova pfhülie kemoko, morei puo sanyülie kemoko.

Mathi 19:22

Derei khriesau die süu sishü tse puo nousuo siei di tuota; kekreilamonyü puo mhanyi phikecü la.

LUK THUKESHÜ DIELIEKEVI 9:62

Sitse Jisu puo ki, “Kehoupuorei duca thezese tha di rürei la puo sietsa meho ro Ukepenuopfü kedi themia chülie sü mo,” sita.

Johan 2:2

Siro nuyie sünu Jisu mu puoe pethakelieko rei sa kie.

Johan 6:60

Puoe pethakelieko kekra die hau si di, “Die hau die kere puota zo, supuonie süu rünyülie vi ta?” ita.

Johan 6:64

Derei nieko huomia peleya mo.” Jisue sietsenu puo pele kemvüko suomia shi mu puo tepie mia dzie nu shüketuou supuo shicü si tuota zocü la.

Johan 7:3

Süla puo siezeko puo ki, “Noe pethakelieko bu rei no chüyakezha mhathoko ngulieketuo la no thechü hanunu tuo Judia nu vocie.

Johan 8:31

Süsie Jisu puo pelelieketa Judako ki, “Nieko a die nu ba seilie ro, nieko ae pethakeliemia kethota zo;

Timothi Kenieu 1:15

Asia nu kebako pete a kitsa tha moketa no si ba, süko donu Figilo mu Hermoginis unie rei sa.

Timothi Kenieu 4:10

kekreilamonyü Demae tsiedo kijü hau va khrieta di a khawa di Thesalonika nu vote; Kresen-e Galatia nu vote, Tita Dalmatia nu vote.

Ibriko 10:38

derei a themia kemiathoko we kepele geinu rheilietuo. Sirei kehoupuorei tsiesieketako a ruopfü sümia ngu puo neilie lho zo,” si.

Johan Kerieu 2:19

Süko u donunu tuo prate, derei süko u kromia mo zo; kekreilamonyü süko u kromia üro, uko u ze ba zotieciü. Derei uko u khawa di tuoketa geinu u kromia mo ücü si kemecie touta zo.