Johan 5:7 - Angami Naga CL (Re-edited) Bible (BSI)

⁷ Sitse mhachükezhüue puo ki, “Kezhau, dzü pou lala kesier ki miapuorei a pie le rüzie nu shüketuo ba molie, mu a sünu letuoü kesieki kekreimia a mhodzü letatayalie.”

Johan 5:7 Iomraidhean Croise

Chieliko 142:4

A zatsa phi di mehoshü phi miapuorei a mehokecü tuo mo; a yakelie tuo mote; miapuorei a ruopfü la puo nounyü mo.

Chieliko 72:12

Puoe ketsopfhüko meliekeshü ki u kelashüyakecü la; tsiu kejümia u kekhruo tuo kemomia rei.

Johan 5:2

Jerusalem nu Tekuo Kharu kepenuo rüzieu khieki kifü pengou sa chüpie ba, Ibri die nu thechü süu za Bethesda üya.

Johan 5:3

Ki süko nu kechükenyümia, mhiciemia, phiyhomia, mu lasiamia kekra vo zhü di dzü mele kepar pfhe baya.

Johan 5:4

Kekreilamonyü puotei huo nu Niepuu dieliemia rüzie nu tsur di dzü keboushüya, mu dzü pou lala kesier ki sünu lelie kerietho-u kechükenyü kehoupuo nunu rei shürholietaya.

Johan 5:6

Jisue puo sünu kezhü ngu mu puo si zhü cha phiketa silie di sie puo ki, “No shürholie nyüya me?”

Rommiako 5:6

We thachü ketuo ki, Khristae puotei tou ki pelekemoko sou chü siawate.

Korintmiako Kerieu 9:24

Ta kemetsakecü nu mia pete ta tuoya, derei mia puo rübei zhakhra ngulieyakezha nie si mo me? Sütuoi nie rei süu ngulieketuo la tazhü zocie.

Pulakeshüzho 32:36

Ketho zo, Jihovae puo themiako ca chüshütuo, mu puo thekeko ngumezhieshütuo, puoe uko kekuo puorei tuo moketa ngushü ro, kedieu rei, kedie kemo-u rei.