Johan 5:39 - Angami Naga CL (Re-edited) Bible (BSI)

³⁹ “Nieko kethodieko pfhü phrüya, kekreilamonyü nie süko nu kechachie kerhei ba ücü leyakezha la, mu süko a dze pu ba kethowe.

Johan 5:39 Iomraidhean Croise

Chieliko 1:2

Derei puo keneiue Jihova zho-u rübei gei ba; mu puoe teizeiteiso puo nou se puo zho-u medoya.

Chieliko 119:11

N die pie a melou nu shüliete, a bu n gei kephouma chü molieketuo la.

Chieliko 133:3

Hermon thezei, Zion kijüthouko gei ketsur tuoi, sünunu Jihovae theja diekhashü, süu kechachie kerhei zo.

Chieliko 16:11

No kerhei cha thapie a kieya. N keba nu sü kenei ba tsei; n zatsa we kechachie thenou kemvü ba.

Chieliko 21:4

Puo n ki kerhei cha, ru no se puo tsü, tsiu teisozha kecha, kechachie mu kechachie.

Chieliko 36:9

Kerhei dzüluou n kinu tuocü la; n kezieu nunu hie kezie nguya.

Mhasidie 6:23

Kekreilamonyü diekhakeshükoe mitubou puo kemhie zo, mu kepetha zhokoe kezie zo; mu ruo di pethakecü dieko themia kelhou zho la;

Isaya 34:16

Jihova leshüdau nunu pfhü mu phrüliecie: Hako puorei tsei kemo chülie lho; puorei puo peza kejü chülie lho. Jihova tie thuo die khashüte, mu puo ruopfü thuo süko kengulieketa la.

Isaya 8:20

Kepetha mu ketarhoketuo la? si. Derei hakemhie kepumia teiso kevor ngu lho tou zo.

Jeremia 8:9

Mhakesimia pie thenga nu shüwatuo, uko bu uzie jüta di tezetatuo; ukoe Jihova dieu meliewaketa la, siro kedipuo mhasi uko nou ba ga?

Daniel 12:2

Siro kijü nyophe nu zekezhüko kekra colietuo, huomia kechachie kerhei nu votuo, mu huomia we thenga tsiu kechachie thikecü nu tuo.

Mathi 22:29

Jisu uko die kela di sie, “Nieko kekrü, kekreilamonyü nieko kethodieko mu Ukepenuopfü kekuou rei siya kemo la.

Mark 10:3

Sitse puo uko ki, “Mosa nieko ki kedipuo pu ga?”

Mark 12:10

Nieko kethodie hau phrü mo zo me? ‘Ki kechükoe khawaketa tsieu mia süu pie puo ke nu tsie kemeyietho-u chüte;

LUK THUKESHÜ DIELIEKEVI 16:29

Derei Abraham la sie, ‘Uko Mosa mu siedzekesiko ba, uko bu süko die rünyüliecie.’

LUK THUKESHÜ DIELIEKEVI 16:31

Derei puo sie puo ki, ‘Uko Mosa mu siedzekesiko die thuo rei rünyü moro, mia puo kesia nunu rheilie di vo zorei uko pelelie lholie.’ ”

LUK THUKESHÜ DIELIEKEVI 24:25

Sitse puo sie unie ki, “Harie, nieko kemeloko, tsiu siedzekesimia pupieketuoko rei pele thotsa zokecüko!

LUK THUKESHÜ DIELIEKEVI 24:27

Sidi puo sie Mosa leshüko mu siedzekesiko thukeshüko pete nu sede di Kethodieko nu puo dze thupie ketuoko pete ca vatshapie unie kieshü.

LUK THUKESHÜ DIELIEKEVI 24:44

Süsie puo uko ki, “Mha hako pete a nieko ze keba kinu, Mosa zho nu, siedzekesiko leshü nu mu chieliko nu a dze thupie kezhüko pete chü tseilie morosuo” ükecü pukeshü a die zo.

Johan 1:45

Filip-e Nathaniel ngulie di puo ki, “Hie thiedzü Mosa Thezho nu mu Siedzekesiko puo dze thupie ketuou nguliete, puo Josef nuou Jisu Nazaret-u zo.”

Johan 5:32

Derei a zhapu chüyacümia puo ba, mu puo a dze kepu süu ketho zocü a si ba.

Johan 5:36

Derei a zhapu Johan zhapuu ki rei zhakuokecü puo ba; Puou a bu chü tseishünu di khashü a ketsü mhatho a chüyakezhako thuo Puou a ketsekeshü thashüya.

Johan 5:40

Siürei nieko kerhei ngulieketuo la a ki vor nyüya mo.

Johan 5:46

Nie Mosa pele liro, nieko a pele rei zotieciü, kekreilamonyü puo a dze thushü zocü la.

Johan 7:52

Sitse uko sie, “No rei Galil nunu vor me? Leshü pfhü phrü vo ro siedzekesimia puorei Galil nunu sierya mocü ngulietuo.”

Mhakechüko 13:27

Kekreilamonyü Jerusalem nu kebako tsiu uko krütako puo silie mo, mu sabat metsei siedzekesiko die phrüya ürei uko puoca silie mo, sidi puo pejokewa geinu siedzekesimia die chü tseilie.

Mhakechüko 17:11

Hanu keba Judako Thesalonika nu kebako ki u nou mezhükuo, kekreilamonyü ukoe u nei siei di dieu lielie mu die süko puotou mo mo shiü silieketuo la teisonhie kethodieko pfhü phrüya.

Mhakechüko 26:27

Kediu Agripa, no siedzekesiko peleya mo? No süko peleyacü a si ba.”

Rommiako 1:2

süusü thiedzütho puoe puo siedzekesiko ki pupie kezhü kemesa kethodieko nu thupie ketuo,

Rommiako 3:2

Mha pete nu kevi ba phi, kekreilamonyü therie nu Ukepenuopfü thuo dieu pie Judako peleshü.

Pulakeshüzho 18:15

Jihova n Kepenuopfüe n donunu a tuoikecü siedzekesimia pesieshütuo, niekoe siedzekesiu die rünyütuo.

Pulakeshüzho 18:18

Ae uko donunu, siedzekesimia n tuoicü pesieshü uko tsütuo, di a dieko pie puotie nu shütuo; sidi puoe a diekhakeshüko pete pie uko ki putuo.

Pulakeshüzho 29:29

Kepekhre vieko sü Jihova úko Kepenuopfü vie zo; derei pekiewaketako we kechachie u vie mu u nuonuo vie zo, u bu thezho hau dieko pete chülieketuo la.

Pulakeshüzho 32:47

Hau nie la mhathomharo puo mo, derei nie kerheiro zo, mu sügeinu nie-e Jordan cie vo pevielietuoükezhü kijü nu rhei chalietuo.”

Kolosiko 3:16

Khrista dieu bu nie nou ketshu chülie; mhasi pete se nie huoniehuo tarho mu petha ba zolie. Ketshe tsali, kerüsuo tsali tsiu ruopfü tsaliko chü mu nie nou nu Ukepenuopfü tshe di chieli tuo zolie.

Ibriko 11:16

Derei ukoe vikuokecü rüna puo mengu tuote, süu teigei rünau. Süla Ukepenuopfüe uko bu puo uko Kepenuopfü üdi kie mengata mo zo; ketho zo, puoe uko la nadi puo kesepie bate.

Ibriko 11:35

Thenuko bu u themia siaketako rhei lakelie ngu. Kekreiko kedieki nunu par mvü di mia bu u pechü, uko rheilakesie vikuocü puo menguketa la.

Joshua 1:8

Thezho leshüdau bu n tie tseta hie. Süu tezeiteiso phrü mu le medo ba zolie tsiu sünu thupie ketuo pete chüüze tsei zolie. Silie liro no vikehielietuo mu n mhatho chü khrielietuo.

Pesikeshü 19:10

Sitse a puo phi nu zeretsu puo rüsuotuoü sie, sirei puo a ki, “No ci hie! A rei Jisu zhapu zeyakezha, no mu n zeko mhie kituomia puo zo. Ukepenuopfü rüsuolie! Kekreilamonyü Jisu zhapuue siedzedie kepu ruopfüu zocü la.”