Johan 5:30 - Angami Naga CL (Re-edited) Bible (BSI)

³⁰ “A a thuo zowe a medo nu mhapuorei chülie kenjü. A sikelie kemhie se mia capi chüya, mu a mia capi kechüu puotou zo, kekreilamonyü a a thuo a medo chütuoü monyü a ketsekeshüu neiu chütuo üya.

Johan 5:30 Iomraidhean Croise

Keriekitho 18:25

Mhatho hamhiecüko bu n kinu petsetacie, kemiathoko pie kerüzhüko sa dukhriwaketuo, mu sidi kemiathoko bu rei kerüzhüko mhieketa, süu bu n kinu petsetacie! Kijü pete Capiue kemezhüu chüshü lho üme?”

Chieliko 96:13

Ukoe Jihova mhodzünu kelituo, puo vorzhücü la, puo kijüu nyie pepiketuo la vorzhie. Puo ketho tsiu kemezhü se di kijüu mu seyieko nyie pepituo.

Isaya 28:6

tsiu puoe mia capi chütuoü kebau la kemezhü ruopfü khashütuo, mu kharu nu terhümia whuo ketsiesiekewau la kekuo chütuo.

Zefania 3:15

Jihova n petsoukecü chüsete, puoe n ngumvüko chü kereiwate. Israel kediu, Jihova sü n donu bate; noe kepeka prei sa morei vite.

Mathi 26:39

Sidi puo tuo za phi di zeretsu kecha chü di, “A Puo, chülie vituo liro, tehie hau bu a thertacie; derei a medo kemhie monyü n medo-u chüliecie,” si.

Johan 14:10

A Puou nou ba mu Puou a nou bacü no pele mo me? A nieko ki pukezha dieko a thuo a die monyü a nou keba Puou thuo puo mhathoko chü tuoyakezha ze.

Johan 17:4

No a bu chünukeshü mhatho-u chü tseiwa di a kijü nu n za chü kemeyieshüwata zo.

Johan 18:11

Sitse Jisu sie Pitor ki, “N zhiechau pie puokou nu shüwalie. Puou khapie a ketsü hieu a krie lho üme?”

Johan 4:34

Derei Jisu uko ki, “A kecücae a ketsekeshüu medo chüketuo mu puo mhatho chü tseiketuou zo.

Johan 5:19

Süla Jisu uko ki, “A nieko ki ketho-u puya; Nuou puo thuo zowe mhapuorei chülie kenjü; puoe puo Puou kedipuo chü ba ngu shiü süu rübei chüya; Puou kedipuo chüya shi, Nuou rei sükemhieko chüyacü la.

Johan 6:38

kekreilamonyü a teigei nu vorkecü a thuo a medo chütuo üdi monyü a ketsekeshüu medo-u chüketuo la kevor zo.

Johan 8:28

Süla puo sie uko ki, “Nieko Themia Nuou pie kesie ki, a süu zokecü, mu a a thuo a medo nunu mhapuorei chüya mo, derei Puou a pethakeshü tuoi a süko se puya ükecü nieko silietuo,

Johan 8:42

Jisu sie uko ki, Ukepenuopfü nieko Puou liro nieko a khrietuo; a Ukepenuopfü kinu par mu vor zokecü la. A a thuo a medo nunu vor mo, derei puo thuo a ketsekeshü zo.

Johan 8:50

A a thuo a la thetshetherhu pfhüya mo, derei süu pfhüyakezhamia puo ba mu süue mia capiu zo.

Rommiako 15:3

Kekreilamonyü Khrista rei puo thuo puo zhazhü pfhü mo; sikecüumonyü süu dze thupie kezhü, “Mia nie kengakecü dieko a gei pfürte,” si.

Rommiako 2:2

Noe sie, “Ukepenuopfü themia sikecü chüyakezhamia pejoketuoe ketho tou medzi di chüketuo hie si ba,” iya.

Rommiako 2:5

Derei n nou kekhrükere mu mengalie kemo la puo noupfhü teisozhau, Ukepenuopfüe kemezhü capi chüketuo pesikeshü nhie la n thuo noupfhüu kengu keba ze.