Johan 5:26 - Angami Naga CL (Re-edited) Bible (BSI)

²⁶ Puoue kerhei puo nou ketuo tuoi, Nuou bu rei kerhei puo nou tuolieketuo Puoe khashüwate.

Johan 5:26 Iomraidhean Croise

Chieliko 36:9

Kerhei dzüluou n kinu tuocü la; n kezieu nunu hie kezie nguya.

Chieliko 90:2

Kijüthouko kesier mhodzü, morei kijüu chü kepar mhodzü, kechachie nunu kechachie ketso no sü Kepenuopfü zo.

Toukepra 3:14

Ukepenuopfüe Mosa ki, “A SÜ A ZO,” siro puoe sie, “Hau pie Israelmiako ki pushülie, ‘A ZO cüu thuo a ketsepie nieko ki shü ho!’ ”

Jeremia 10:10

Derei Jihovae Ukepenuopfü ketho-u; puo rhei tuoyakezha Kepenuopfü tsiu kechachie ketuo kediu. Puo noupfhü nunu kijüu rünietaya, tsiu seyieko puo nouyieu pfülie lho.

Johan 1:4

Puo gei kerhei tuo, mu kerhei süu themia pete kezieu zo.

Johan 10:18

Miapuorei a kinu süu lielieya mo a thuo a medota di süu khashütuoüzhü, mu a süu khashüketuo kekuo ba mu chü lalieketuo kekuo rei ba. A a Puou kinu diekhakeshü hau ngulie.”

Johan 11:25

Jisu puo ki, “A rheilakesieu mu kerheiu zo; kehoupuorei a pelekelieu siata zorei rhei lalie zotuo,

Johan 11:26

mu kehoupuorei rhei keba nu a pelekelieu mhakipuorei siatalie lho. No hau pele zo mo?”

Johan 14:19

Zha keduoyo sie kijüu a ngu sa motatuo, derei nieko we a ngutuo, a rhei ketuo tuoi nieko rei rheituo zotuocü la.

Johan 14:6

Jisu sie puo ki, “A chau, ketho-u mu kerheiu zo. A geinu zo kemosie miapuorei Puou ki vorlieya mo.

Johan 4:10

Jisu sie puo ki, “No Ukepenuopfü mha methuo khashüyakezha si, mu n ki, ‘Dzü pie a bu kriecie,’ ikethau supuo shicü si ücüwe, no puo ki mha chatuo, mu puo kerhei dzü khapie n tsütieciü.”

Johan 6:57

Rhei tuoyakezha Puou a ketsekeshü tuoi, mu Puou la a rei rhei ketuo zo, süla kehoupuorei a chü cükezhamia a la rheilie zotuo.

Johan 8:51

A nieko ki pu toushütuo, kehoupuorei a die zekelieu mhakipuorei siatalie lho.”

Mhakechüko 17:25

morei puo mhapuo tsopfhü bata di u dzie pie puo theke rei ya mo, puoe puo thuo kerhei mu keha tsiu mha pete rei pie u kehoupuorei tsüyakezha la.

Korintmiako Kerieu 15:45

Süusü thupie kezhü, “Themia kerieu Adam, kerheiro kenyi puo chülie;” Adam kenuou we kerhei ruopfü khashü mia tsüyakezhau chüte.

Timothi Kerieu 1:17

Siro kechachie Kediu, siatalie kelho-u, umhi pie ngulie kelho-u, Ukepenuopfü puo rübei zokecüu bu kechachie thetshetherhupfü mu zapuzayie chücie. Amen.

Timothi Kerieu 6:16

Puo rübei siaüjütalie kelho-u mu miapuorei penuo volie kelho kezie nu lhou kebau, miapuorei puo ngu mo mu ngu reilie lho; puo bu telhekechachie therhupfü mu kedi chücie. Amen.

Ibriko 1:2

derei tsie thelatsa teiu nu we Nuou bu u rüchü tuote, puoe süu kedapie mha peteko kayieu chüshü, mu süu geinu tei kijü pete chükelie zo.

Pesikeshü 21:6

Süsie puo a ki, “Süu chüwate! Ae Alfa mu Omega, Therieu mu Thelau. Kehoupuorei keterhüu, puoma chü mo di kerhei dzüluou nunu krielieketuo a methuo khashütuo.

Pesikeshü 22:1

Süsie teigeidielieu kerhei rüu tha a kie, mevapie kristal mhie, Ukepenuopfü mu Tekuonuou kedibau nunu kru par,

Pesikeshü 22:17

Sitse Ruopfüu mu yasapfüe, “Vorliecie,” isi. Siro kehoupuorei rünyükeliemia, “Vorlie,” sicie. Tsiu kehoupuorei keterhüu vorliecie. Kehoupuorei kerheidzüu mengukezhamia methuo di lieliecie.

Pesikeshü 7:17

kekreilamonyü kedibau metsuo nu keba Tekuonuou bu uko kepfheu chütatuo, mu puo uko cha tha ze kerhei dzüluoko nu votuo, Ukepenuopfü thuo uko mhi nunu uko mhidzü sü phrewatuo.”