Johan 5:10 - Angami Naga CL (Re-edited) Bible (BSI)

¹⁰ Süla Judako shürholieketau ki, “sabat nhie ha no n zhükhra chüpie di chatuo ketuo hau thezho-u varhuote.”

Johan 5:10 Iomraidhean Croise

Isaya 58:13

Mhanuü noe sabat kedewa molie ro, a teisozha kemesa nhie n nei n nyü chüta molie ro; sabat pie n kenei zha puoü kielie, mu Jihova teisozha pie ketherhulie ro; no süu rhu, di n thuo n cha nu vota molie, n nei n nyü chü, morei n thuo n mhathoko whuota molie ro;

Jeremia 17:21

Jihovae puya. Nie kerheiro la, sabat nhie thepie pfü morei Jerusalem kharuko nu süko se ler molieketuo la menuoliecie.

Jeremia 17:27

Derei nie a pfhe rünyü mo, sabat zha se kemesa mo, mu sabat nhie thepie pfü di Jerusalem kharuko nu le suokecü si moro, a kharuko nu mi petushütuo; süue Jerusalem nu kedikiko thetuo mu tshülie lhotatuo.

Mathi 12:10

Sitse sünu dziesiamia puo ba di ngulie. Süki uko puo pejo kenyü la puo ketso di, “Sabat nhie mia chü keshürhokecü thezho me?” ita.

Mark 2:24

Sitse Farisiko puo ki, “Harie kiüdi sabat nhie thezho varhuo haiya ga?”

Mark 3:4

Sitse puo uko ki, “Sabat nhie mia gei mha kevi chükecüu tuo mo, mia gei mha kesuo chükecü thezho ga? Mia chü perheituo mo mia dukhrituo ga?” Derei uko kemekrieta.

LUK THUKESHÜ DIELIEKEVI 13:14

Derei Jisu sabat nhie mia chü keshürhokeshü la sinagog nu kezhau puo nei mo di sie themia kro-u ki, “U bu mhachülienukeshü zha sorou ba; süla zha süko nu vor di nie chü keshürholie, derei sabat nhie we silie kenjü!” sita.

LUK THUKESHÜ DIELIEKEVI 23:56

Süsie uko la kinu vor di Jisu kenheketuo la kethengu mu tier puore keviko keselie, sidi thezho-u medzi di uko sabat nhie rüleilie.

LUK THUKESHÜ DIELIEKEVI 6:2

Sitse Farisiko huomia sie, “Nieko kiüdi sabat nhie thezhokemo puo chü tuota ga?”

Johan 1:19

Siro Jerusalem nu Judakoe zievoko mu Leviko ketsepie Johan ki shü di puo ki, “No supuo ga?” idi ketsokeshü ki Johan-e zhapu chükeshü die haha zo.

Johan 5:11

Derei puo uko ki, “Mia puo a chü keshürhokeshüu a ki ‘N zhükhra chü pielie di tuolie,’ idi pulie.”

Johan 5:15

Süsie themiau vo di Judako ki Jisue puo chü keshürhoshüketa pushü.

Johan 5:16

Süla uko Jisu petsou vüta, kekreilamonyü puo sabat nhie mia chü pevikeshü la.

Johan 7:23

Sabat nhie mia zhürekecü la Mosa zho-u varhuota mo üro, kiüdi a sabat nhie mia chü pevi lotsokeshü la nieko a gei nie nei moya ga?

Johan 9:16

Sitse Farisiko huo sie, “Themia hau Kepenuopfü kinu vor mo, puo sabat zho-u zeya kemo la,” si. Derei kekreiko sie, “Kimhie di kephoumamia puo zasi hakemhieko chülietuo dimu?” Sidi uko kediekreita.