Johan 4:9 - Angami Naga CL (Re-edited) Bible (BSI)

⁹ Sitse Samariapfü puo ki, “No Judamia di kiüdi a Samariamiapfü ki dzü krietuoü chaya mu?” (Judamia Samariamia ze keliethoya mocü la.)

Johan 4:9 Iomraidhean Croise

Mathi 10:5

Jisu mia kerekenie hako tarhoshü di uko ketse di sie, “Nieko Judakemoko kijü morei Samariamia rüna puo nu rei vo hie,

LUK THUKESHÜ DIELIEKEVI 10:33

Derei Samariamia puo rüve tuo di puo kezhü chü ki vor; ru puoe puo ngushücü ki puo noumezhieta.

Johan 4:27

Si keba nu puoe pethakelieko la vor di puoe thenumiapfü puo ze kerüchü ketha ngu u ngota, derei uko miapuorei sie, “No kedipuo si nyüya ga?” morei “No kiüdi thenupfü ze kerüchü tha ga?” irei mo.

Johan 8:48

Sitse Judako puo die kela di sie, “No Samariamia puo mu terhuokesuo zeyakezhamia puo ücü hie pu zhü mo üme?”

Mhakechüko 1:8

Derei Kemesa Ruopfü nieko gei vorkelie ki nieko kekuo ngulietuo; sitse nieko Jerusalem nu, Judia pete mu Samaria nu, tsiu kijü vala ketso rei a zhapumia chülietuo.”

Mhakechüko 10:28

sitse puo uko ki, “Nie thuo zorei Judamiae vo Judakemomia ze kepekro morei süko kitiekinu leya kemo si ba, derei Ukepenuopfü a bu miapuorei le perhu, morei thita hienucü tha a kie.

Mhakechüko 10:32

Süla mia ketsepie Jopa nu shü di Simon, Pitor ükezhau kieze n ki vorliecie; puo vo dzükezha khie keba chüzhükechüu Simon so chü ba ho!’