Johan 4:36 - Angami Naga CL (Re-edited) Bible (BSI)

³⁶ Lie reyakezhau puo zhakhra ngulieya mu puosi pfhü kengupie kechachie kerhei nu shülieya; sidi tsiakevau rei mu reyakezhau rei keze u nei phituo.

Johan 4:36 Iomraidhean Croise

Mhasidie 11:18

Kerüzhümia mia seketsikecü zhakhra ngulieya, derei kemiatho prushüyakezhamia zhakhra kevi ngu toulie zotuo.

Mhasidie 11:30

Kemiatho si-e kerheibo zo, derei zhosuoe kerhei chüsetaya.

Daniel 12:3

Siro mhakesimia bu teigei kezie mhie zietuo, mu mia kekra cha thapie kemiatho nu shükeliemia bu kechachie mu kechachie themvü mhie zietuo.

Mathi 19:29

Themia kehoupuorei a za la u ki morei u siezedzürie morei u üpfünuo morei u puonuo morei u zuonuo morei u nuonuo morei u lieko khawaketau, süde thekrie keziengulietuo, tsiu kechachie kerhei sa welietuo.

Johan 3:36

Kehoupuorei Nuou pelekelieu kechachie kerhei bate, kehoupuorei Nuou die ze kemo-u kerhei ngu lho, derei Kepenuopfü noupfhüu puo gei bataya.

Johan 4:14

derei kehoupuorei a khashükezha dzüu kriekeliemia mhakipuorei terhü latalie lho. A dzü khapie puo ketsüu thuo puo nou nu dzüluo puo chü rüluo zo vo kechachie kerhei tsotuo.”

Johan 5:24

A nieko ki ketho-u puya, themia kehoupuorei a dieko rünyülie di a ketsekeshüu pelekeliemia kechachie kerhei bate, mu sümia pejoketuo ba sa mote, derei kesia cie kerhei nu prate.

Rommiako 1:13

Siro a siezedzürieko, Judakemoko donu tuoi nieko donu rei a mhatho si huo ngulie kenyü la, a tsiemelie nieko ki vor nyü seyakecü (sirei tsie ketso vorlie mo ba zo) a nie bu si ba nyüya.

Rommiako 2:7

shügeshühie di mha kevi chü di zayie mu therhu tsiu siatalie kelho pfhüyakezhako we kechachie kerhei pie tsütuo;

Rommiako 6:22

Derei nie tsie we kephouma cie pralie di Ukepenuopfü diemia chüte, süu siue nie chü kemesalie. Süu thelae kechachie kerhei.

Rommiako 6:23

Kekreilamonyü kephouma zhakhrae kesia, sirei Ukepenuopfü u Niepu Jisu Khrista nunu methuo khapie u ketsüu we kechachie kerhei zo.

Korintmiako Kerieu 9:17

Mhanuü mhatho hau a thuo a medo nu kedakelie puo liro a zhakhra ba; derei a medo la mo zo ürei mhatho hau pie a peleshüwata zo.

Korintmiako Kerieu 9:18

Siliro a zhakhra kedipuo ngulie ta? A dieliekevi pupie mia kieketuo süu la a zha lie cü rei vi, rei lie cü mo di dieliekeviu pupie mia kieshüketuo la zo.

Thesaloniako Kerieu 2:19

Kekreilamonyü u Niepuu Jisu kevor ki puo mhodzünu hie kemerü morei kenei morei kemholielie kevi tsüre sü nieko ha mo üme?

Timothi Kerieu 4:16

N zhorüli nu mu mia kepetha nu menuo balie. Die hako ze zolie; silie ro no rei mu n die kerünyüko rei kelalietuo.